កាន់តែច្បាស់រឿងលក់សំបុត្រ Cam- All Star ប៉ះ SCG Muangthong United

2017-07-11 08:40:13
ចំនួនមតិ 0 | ចំនួនចែករំលែក 0

ចន្លោះមិនឃើញ

សំបុត្រចូលទស្សនាការប្រកួតមិត្តភាពអន្តរជាតិរវាងក្រុម Cambodian All Star និងក្រុម SCG Muangthong United មានលក់តែមួយកន្លែងគត់គឺមុខពហុកីឡដ្ឋានជាតិដែលចាប់លក់តាំងពីម្សិលមិញ។

ពេលវេលា

សំបុត្របានចាប់ផ្ដើមលក់កាលពីថ្ងៃទី១០ ខែកក្កដា ឆ្នាំ២០១៧ ម្សិលមិញ នឹងបន្តលក់រហូតដល់ការប្រកួតចាប់ផ្ដើម ឬបន្តលក់ដល់អស់ចំនួនសំបុត្រ។

ទីតាំងលក់

មានលក់តែនៅមុខពហុកីឡដ្ឋានជាតិតែមួយកន្លែងប៉ុណ្ណោះ។

តម្លៃ

តម្លៃមានពីរប្រភេទគឺប្រភេទទី១តម្លៃ ៥ពាន់រៀល និងប្រភេទទី២តម្លៃ១ម៉ឺនរៀល។

ក្រុមបាល់ទាត់ SCG Muangthong United នឹងមកដល់ទឹកដីកម្ពុជាថ្ងៃទី១៣ ខែកក្កដា ឆ្នាំ២០១៧។ ការប្រកួតមិត្តភាពអន្តរជាតិរវាងក្រុម Cambodian All Star និងក្រុម SCG Muangthong United នឹងធ្វើនៅថ្ងៃទី១៦ ខែកក្កដា ឆ្នាំ២០១៧វេលាម៉ោង៦ល្ងាចនៅពហុកីឡដ្ឋានជាតិ។ នេះជាឱកាសសងសឹងរបស់ក្រុម SCG Muangthong United លើក្រុម Cambodian All Star បន្ទាប់ពីរងបរាជ័យកាលពីឆ្នាំ២០១៥។ ដូច្នេះដើម្បីគាំទ្រដល់ក្រុម Cambodian All Star សូមអ្នកស្នេហាវិស័យបាល់ទាត់កម្ពុជាចូលរួមទស្សនាឲ្យបានច្រើនកុះករ៕