ភ្ញាក់ផ្អើល! កំណត់ត្រាអក្សរសាស្រ្តរបស់ ម៉ៅ សេទុង ដាក់លក់ដេញថ្លៃ បានគុណនឹង១០

2017-07-12 00:37:22
ចំនួនមតិ 0 | ចំនួនចែករំលែក 0

ចន្លោះមិនឃើញ

វាត្រូវបានសរសេរនៅឆ្នាំ ១៩៧៥
វាទាក់ទងទៅនឹងអក្សរសិល្បចិន និងកំណាព្យ
វាជាវត្ថុកម្រមានបំផុត

ក្រដាសកំណត់ត្រាមួយសន្លឹក ដែលសរសេរដោយដៃរបស់ លោក ម៉ៅ សេទុង អតីតប្រធានបក្សកុម្មុយនិស្តចិន ត្រូវបានដាក់លក់ដេញថ្លៃបានគុណនឹង ១០ ដងនៃតម្លៃដែលគេប៉ាន់ស្មាន។

កំណត់ត្រាដែលបានសរសេរនៅឆ្នាំ ១៩៧៥ ទៅកាន់សាស្ត្រាចារ្យម្នាក់ ដែលត្រូវបានជួលដើម្បីអានឲ្យ លោក ម៉ៅ សេទុង ស្ដាប់ ត្រូវបានដាក់លក់នៅឯក្រុមហ៊ុន Sotheby's ស្ថិតក្នុងទីក្រុងឡុងដ៍ ក្នុងតម្លៃរហូតដល់ទៅ ៩១០ ០០០ ដុល្លារអាមេរិក។ ផ្ទះដេញថ្លៃខាងលើ បានឲ្យដឹងថា កំណត់ត្រាដែលសរសេរដោយដៃនោះ គឺជាវត្ថុកម្រមានបំផុត។

កំណត់ត្រាដែលសរសេរនៅឆ្នាំ ១៩៧៥ លក់បានតម្លៃជិត ១ លានដុល្លារអាមេរិក

គួរឲ្យដឹងផងដែរថា កំណត់ត្រាខាងលើ គឺទាក់ទងទៅនឹងអក្សរសិល្បចិន និងកំណាព្យ ដែលមេដឹកនាំចិនរូបនោះចូលចិត្ត។ វាត្រូវបានសរសេរឡើង មួយឆ្នាំមុនពេលលោក ម៉ៅ សេទុង ស្លាប់ដោយសារតែបញ្ហាសុខភាព។ នៅពេលនោះ ភ្នែករបស់លោកបានចុះអន់ខ្សោយ និងពិបាកអានអក្សរខ្លាំង ទើបជួលអ្នកជំនាញអក្សរសាស្ត្រដើម្បីអានឲ្យលោកតែម្ដង៕

ចុចអាន៖

ប្រភព៖ BBC ប្រែសម្រួល៖ សេង ឡុង