U15 កម្ពុជា អាចយក៣ពិន្ទុពីក្រុម U15 ហ្វីលីពីនបានអត់ល្ងាចនេះ?

2017-07-12 01:57:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ក្រោមអាយុ១៥ឆ្នាំរបស់កម្ពុជា នឹងត្រូវប្រកួតលើកទី២របស់ខ្លួនជាមួយក្រុមហ្វីលីពីននៅម៉ោង៦:៣០នាទីល្ងាចនេះ ក្នុងពានរង្វាន់ 2017 AFF U-15 Youth Championship។

រូបភាពប្រកួតជាមួយ U15 វៀតណាម

ប្រកួតបើកឆាករបស់កម្ពុជា គឺបរាជ័យក្រោមថ្វីជើងក្រុម U15 របស់វៀតណាមក្នុងលទ្ធផល ២-១។ យ៉ាងណាមិញ ក្នុងការប្រកួតនោះ ក្រុមយុវជនកម្ពុជាក៏មានឱកាសរកគ្រាប់បាល់ច្រើនដងដែរ ប៉ុន្តែមិនអាចធ្វើបានសម្រេច ទើបបានជាលទ្ធផលមិនអាចយកឈ្នះបាន។ មួយវិញទៀត ក្រោយចប់ការប្រកួតជាមួយវៀតណាម លោក Lee Tae Hoon គ្រូបង្វឹកក្រុម U15 កម្ពុជាបាននិយាយដែរថាលោកពេញចិត្តចំពោះទម្រង់លេងរបស់កូនក្រុម បើទោះជាមិនអាចយកឈ្នះបានក្នុងប្រកួតដំបូងក៏ដោយ តែពួកគេបានលេងដោយយល់ចិត្តគ្នា។

ដោយឡែកចំពោះក្រុមហ្វីលីពីនវិញ ប្រកួតដំបូងក៏បរាជ័យដូចគ្នា ដោយពួកគេចាញ់ក្រុមម៉ាឡេស៊ីក្នុងលទ្ធផល២-០ ។ ដូច្នេះមានន័យថាក្រុមមួយនេះ ប្រកួតបើកឆាកក្រុមទាំងពីរខាងលើមិនទាន់ស្គាល់ជ័យជម្នះដូចគ្នា អីចឹងមានតែល្ងាចនេះទេ ថាតើក្រុមណាបាន៣ពិន្ទុ ឬក៏ចែកគ្នាយកម្នាក់១ពិន្ទុ?

សូមបញ្ជាក់ថា ការប្រកួតខាងលើគឺដើម្បីឱ្យក្រុម U15 កម្ពុជាត្រៀមខ្លួនចូលលេងពានរង្វាន់ 2018 AFC U-16 Championship qualification ដែលនឹងធ្វើឡើងនៅថ្ងៃទី១៦ដល់២៤ខែកញ្ញាខាងមុខនេះ៕

ចុចអានអត្ថបទបន្ដ៖

ចុងក្រោយ James ពិតជាចាកចេញពី Real Madrid មែន តែក្រោមលក្ខខណ្ឌពិសេស

ឡុង សុភី ប៉ះជើងខ្លាំងថៃនៅ Thai Fight ថ្ងៃទី១៥ កក្កដានេះ

អត្ថបទ៖ មុន្នីរម្យ