បើពិតជាចឹងមែន iPhone ឆ្នាំ ២០១៧ តម្លៃទាបបំផុតមិនក្រោម ១ ២០០ ដុល្លារ

2017-07-13 01:37:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមការទស្សន៍ទាយរបស់លោក John Gruber ដែលធ្លាប់ទាយត្រូវនៃតម្លៃ Apple Watch ដំបូងប្រភេទ Gold Version កាលពីប៉ុន្មានឆ្នាំមុន ថ្មីៗនេះលោកបន្តទស្សន៍ទាយទៀតថា iPhone ជំនាន់ក្រោយរបស់ Apple នឹងមានតម្លៃទាបបំផុត ១ ២០០ ដុល្លារ ហើយប្រភេទថ្លៃបំផុតខ្ទង់ ១ ៣០០ ទៅ ១ ៥០០ ដុល្លារ។

លោកបន្ត iPhone ប្រភេទនោះ អាចនឹងមានឈ្មោះ Pro ឫ Edition ហើយផ្នែកគ្រឿងផលិតអាចជាមានកង្វះខាតច្រើន ជាកត្តាជំរុញឱ្យ Apple ឡើងថ្លៃចំណេញប្រមាណ ៣០ ទៅ ៤០ ភាគរយ ក្នុងការចេញលក់ iPhone មានចំនួនតិច។

ទន្ទឹមនឹងនោះបើយើងបកទៅមើលការទស្សន៍ទាយរបស់លោក Ming-Chi Kuo មកពីក្រុមហ៊ុន KGI Securities ក៏បានបង្ហើប ក្រុមហ៊ុនយក្សអាមេរិកខាងលើនឹងបង្ហាញ iPhone ២ ម៉ូដែលផ្សេងទៀតទន្ទឹមគ្នា ដែលមានលក្ខណៈសម្បត្តិប្រហាក់ប្រហែល iPhone 7-7 Plus ដោយតម្លៃគឺក្បែរ ៧០០ ដុល្លារ ដល់ ១,០០០ ដុល្លារ ព្រោះ iPhone ទាំងនោះបំពាក់ត្រឹមអេក្រង់ LCD ធម្មតា។

#កុំភ្លេចចុច Like Page Sabay News Technology... ដើម្បីទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗ៕

បន្តចុចអាន៖

ប្រភព៖ Independent ប្រែសម្រួល៖ ប៊ុណ្ណារ៉ា