ជួបគ្នាលើកទី២ McGregor និង Floyd ចង្អុលមុខគ្នាឆៅៗ

2017-07-13 04:08:03
ចំនួនមតិ 0 | ចំនួនចែករំលែក 0

ចន្លោះមិនឃើញ

Floyd Mayweather និង Conor McGregor បានបោះសម្ដីដាក់គ្នាជាថ្មីម្ដងទៀត អំឡុពេលជំនួបលើកទី២នៃការផ្សព្វផ្សាយការប្រកួតរបស់ពួកគេនៅទីក្រុង Toronto ប្រទេសកាណាដា។

ចំពោះមុខទស្សនិកជន១៦ ០០០នាក់លើឆាក Budweiser Stage ប្រធានក្រុម Money Team កីឡាករមិនដែលចាញ់ Floyd បានយកទង់ជាតិប្រទេសអៀរឡង់គ្របលើខ្លួនមុខអ្នកគាំទ្រ ស្របពេល McGregor ព្រមានថានឹងវាយឲ្យសន្លប់ ប្រសិនហ៊ានធ្វើអ្វីលើសលើទង់ជាតិប្រទេសរបស់គេ។

ភ្លាមៗនោះ អ្នកលេងគុនចម្រុះ McGregor បានទៅឆក់កាបូបលុយរបស់របស់ Mayweather បើកមើលហើយឌឺថា ក្នុងនោះមានលុយប្រហែល៥០០០ដុល្លារផង អត់សមម្ចាស់ខ្សែក្រវាត់៥ស្ថាប័នសោះ។ ក្រៅពីពាក្យផ្លែផ្កាដាក់គ្នាទាំងនេះ ពួកគេបានចង្អុលមុខគ្នា និងបង្ហាញកាយវិការផ្គើនគ្នាទៅវិញទៅមកជាច្រើន។

Floyd Mayweather និង Conor McGregor នឹងត្រូវជួបគ្នា២ដងទៀតនៃការផ្សព្វផ្សាយការប្រកួតរបស់ពូកគេ នៅថ្ងៃទី ១៣ ខែ កក្កដា ឆ្នាំ ២០១៧រៀបចំនៅញីវយ៉ក និងឡុងដុងនៅថ្ងៃទី ១៤ ខែ កក្កដា ២០១៧៕