ពិភពលោកកំពុងចង់ដឹង ស្រ្តីរ៉ូបក្រហម អង្គុយក្នុងរថយន្តជាមួយ ពូទីន ជានរណា!

2017-07-13 07:55:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពូទីន ស្ទើរតែបង្ហាញមនុស្សស្រីថ្មីរបស់ខ្លួន ឲ្យពិភពលោកបានឃើញ
ពូទីន ចុះពីលើរថយន្ត និងដើរទៅបើកទ្វារឲ្យនាង

ប្រធានាធិបតីរុស្ស៊ី លោក វ៉្លាឌិមៀ ពូទីន (Vladimir Putin) បានចំណាយពេលទំនេរ ធ្វើដំណើរទៅកាន់ព្រះវិហារសំណព្វរបស់ខ្លួន នៅភាគខាងជើង នៃប្រទេសរុស្ស៊ី ដោយបានបើកបររថយន្តដោយខ្លួនឯង ម៉ាក Mercedes ML ពណ៌ខ្មៅមួយគ្រឿង។

លោក ពូទីន បានចត និងចេញពីរថយន្ត រួចដើរសំដៅទៅបើកទ្វារក្រោយ ឲ្យអ្នកដំណើរស្រីដ៏អាថ៌កំបាំងរបស់ខ្លួនម្នាក់។ ប៉ុន្តែ នៅចំណុចនេះ អ្នកដំណើរស្រីនោះ ប្រហែលជាបានមើលឃើញកាមេរ៉ា ហើយហាក់បីដូចជាធ្វើកាយវិការ ចង្អុលបញ្ជាឲ្យប្រធានាធិបតីរូបនេះ បិទទ្វាររថយន្តវិញ។ មួយរំពេចក្រោយមក លោក ពូទីន បានបិទទ្វាររថយន្ត រួចដើរចូលទៅក្នុងព្រះវិហារតែម្នាក់ឯង។

វីដេអូនៃហេតុការណ៍នោះ បានបង្កឲ្យមានការចាប់អារម្មណ៍ និងងឿងឆ្ងល់យ៉ាងខ្លាំង ហើយក៏មានការសង្ស័យជាច្រើនដែរថា លោក ពូទីន កំពុងនៅជាមួយមនុស្សស្រីថ្មី។

គួរបញ្ជាក់ថា បន្ទាប់ពីលែងលះជាមួយអតីតជំទាវទី១ រុស្ស៊ី គឺលោកស្រី Lyudmila Putin រួចមក លោក ពូទីន ហាក់បីដូចជាបានលាក់បាំងពីជីវិតផ្ទាល់ខ្លួនរបស់លោកខ្លាំងណាស់។

គួររំលឹកឲ្យដឹងថា មានការសង្ស័យមួយ បានកើតឡើងអស់រយៈពេលជិតមួយទសវត្សរ៍មកហើយ ដោយនិយាយថា លោក ពូទីន មានទំនាក់ទំនងជាមួយកីឡាការិនីកាយសម្ព័ន្ធ និងជាម្ចាស់មេដាយមាសអូឡាំពិក Alina Kabaeva វ័យ ៣៤ ឆ្នាំ ហើយពួកគេទាំង ២ នាក់ ប្រហែលជាមានកូនច្រើននាក់ជាមួយគ្នាទៀតផង។

ប្រធានាធិបតីរុស្ស៊ី លោក វ៉្លាឌិមៀ ពូទីន

ទោះបីជាយ៉ាងណាក៏ដោយ អ្នកនាំពាក្យរបស់ប្រធានាធិបតីរុស្ស៊ី លោក Dmitry Peskov បានលុបបំបាត់ពាក្យចចាមអារ៉ាម និងចម្ងល់ទាំងឡាយ ដោយអះអាងថា អ្នកដំណើរស្រីខាងលើ គឺជាសមាជិកសន្តិសុខម្នាក់ប៉ុណ្ណោះ៕

សូមទស្សនាវីដេអូខាងក្រោម៖

ចុចអាន៖

ប្រភព៖ Dailymail ប្រែសម្រួល៖ សេង ឡុង