ដូណាល់ ត្រាំ សរសើរភរិយាប្រធានាធិបតីបារាំង វ័យ៦៤ឆ្នាំ ថា «មានរាងស្អាត»

2017-07-14 02:31:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីបារាំងមានវ័យ ៣៩ ឆ្នាំ
ភរិយាប្រធានាធិបតីបារាំងមានវ័យ ៦៤ ឆ្នាំ
លោក ត្រាំ មានវ័យ ៧១ ឆ្នាំ

ប្រធានាធិបតីអាមេរិក លោក ដូណាល់ ត្រាំ បានសរសើរដល់ភរិយារបស់ប្រធានាធិបតីបារាំង ដោយនិយាយថា នាងមានរាងស្អាត នៅក្នុងវីដេអូផ្សាយបន្តផ្ទាល់មួយ នៅទីក្រុងប៉ារីស កាលពីថ្ងៃព្រហស្បតិ៍ ម្សិលមិញនេះ។

វីដេអូនោះបានបង្ហាញឲ្យឃើញ លោក ត្រាំ បែរទៅនិយាយជាមួយ ជំទាវទី ១ របស់ប្រទេសបារាំង វ័យ ៦៤ ឆ្នាំ លោកស្រី Brigitte Macron ថា «លោកស្រីមានរាងស្អាតណាស់» បន្ទាប់ពីបានជួប និងថតរូបជាមួយគ្នាអស់រយៈពេលជិត ១ ម៉ោង នៅក្នុងដំណើរទស្សនកិច្ចមួយ ដែលដឹកនាំដោយប្រធានាធិបតីបារាំង វ័យ ៣៩ ឆ្នាំ លោក Emmanuel Macron។

បន្ទាប់មក លោក ត្រាំ បានបែរទៅកាន់ លោក Emmanuel ដើម្បីបញ្ជាក់ពីការពិតនោះថា «នាងពិតជាមានរាងស្អាតមែន»។ មួយរំពេចក្រោយមក ប្រធានាធិបតីអាមេរិក វ័យ ៧១ ឆ្នាំរូបនេះ បានសម្លឹងមើលទៅកាន់ លោកស្រី Brigitte ម្តងទៀត រួចបន្ថែមថា «ស្រស់ស្អាត»។

ទោះបីជាយ៉ាងណា គេមិនបានដឹងច្បាស់ឡើយថា លោកស្រី Brigitte បានឆ្លើយតបទៅកាន់លោក ត្រាំ វិញយ៉ាងដូចម្តេច៕

ចង់ដឹងយ៉ាងណា សូមទស្សនាវីដេអូខាងក្រោម៖