សាយ សៀរ៉ា ប្រាប់ពីប្រាក់ចំណូល និងចំណាយក្នុង១ខែៗ ដឹងហើយហួសចិត្ត

2017-07-14 04:07:55
ចំនួនមតិ 0 | ចំនួនចែករំលែក 0

ចន្លោះមិនឃើញ

សាយ សៀរ៉ា បានប្រាប់ Sabay ថា ក្នុង១ខែៗលោករកចំណូលបានមិនក្រោម ២ ពាន់ដុល្លារឡើយតែចំណាយក៏អស់ខ្ទង់ពាន់ដែរ។

“គិតទៅប្រាក់ចំណូលខ្ញុំក្នុងមួយខែ ខ្ញុំរកបានចន្លោះពី ២០០០ ដុល្លារ ទៅ២៥០០ ដុល្លារដែរ តែខ្ញុំក៏ចំណាយច្រើនណាស់ដែរ ចំណាយទៅលើសាំងឡានពីរថ្ងៃ អស់៣០ ដុល្លារ និងចំណាយទៅលើកម្មវិធីខួបកំណើត អាពាហ៍ពិពាហ៍ ជប់លៀងផ្សេងៗទៀត ក្នុងមួយខែយ៉ាងហោចណាស់អស់ជាង១០០០ ដុល្លារដែរ"។ សាយ សៀរ៉ា ថ្លែងបញ្ជាក់។

តារាសម្ដែងមកពីខេត្តកំពង់ចាមបន្ថែមថា ក្រៅពីការចាយវាយប្រចាំថ្ងៃខាងលើ លោកត្រូវចំណាយក្នុងការព្យាបាលជំងឺក្រពះ ២ខែត្រូវទៅជួបគ្រូពេទ្យថៃម្ដង។ មកដល់ពេលនេះថ្លៃព្យាបាលជំងឺក្រពះអស់ជាង៥ ពាន់ដុល្លារអាមេរិកហើយ ។ ដូច្នេះចំណូល និងចំណាយបានត្រឹមតែទប់ទល់ប៉ុណ្ណោះក្នុងរយៈពេលនេះ។

“សង្ឃឹមថានៅថ្ងៃខាងមុខ អាចរកចំណូលបានសល់ខ្លះ នៅពេលដែលសុខភាពខ្ញុំបានជាសះស្បើយ ព្រោះសព្វថ្ងៃនេះធ្វើយ៉ាងម៉េចកុំឲ្យតែឈឺទៅបានហើយ បើសុខភាពយើងល្អហើយអ្វីៗ នឹងកើតឡើងតាមក្រោយ"៕