រឿង Bill Gates ទស្សន៍ទាយនៅឆ្នាំ ១៩៩៩ ឥឡូវក្លាយជាការពិតអស់ហើយ
- 2017-07-14 06:51:42
- ចំនួនមតិ 0 | ចំនួនចែករំលែក 0
រឿង Bill Gates ទស្សន៍ទាយនៅឆ្នាំ ១៩៩៩ ឥឡូវក្លាយជាការពិតអស់ហើយ
ចន្លោះមិនឃើញ
ស្ថាបនិកក្រុមហ៊ុន Microsoft លោក Bill Gates បានសរសេរឡើងនៅសៀវភៅមួយអំឡុងឆ្នាំ ១៩៩៩ ក្រោមចំណងជើង "Business @the Speed of Thought” ហើយទស្សន៍ទាយទុកនូវរឿងរ៉ាវជាច្រើនដែលអាចនឹងកើតឡើងក្នុងពេលអនាគត។
១.ការប្រៀបធៀបតម្លៃ
Gates បានសរសេរថា ការប្រៀបធៀបតម្លៃដោយស្វ័យប្រវត្តិនឹងអភិវឌ្ឍឡើង ដែលអាចអនុញ្ញាតឱ្យមនុស្សឃើញពីតម្លៃប្រៀបធៀបគ្នាលើគេហទំព័រច្រើន ដែលងាយស្រួលក្នុងការរុករកនូវផលិតផលដែលមានតម្លៃថោកបំផុត។ បច្ចុប្បន្នមានកើតឡើងហើយដូចជាទីផ្សារ Amazon របស់អាមេរិក និង Orbitz, Trivago អនុញ្ញាតឱ្យអ្នកប្រើធៀបតម្លៃជើងហោះហើរនិងថ្លៃស្នាក់នៅក្នុងសណ្ឋាគារបាន។
២.ឧបករណ៍ចល័ត
Gates បានទស្សន៍ទាយ ថ្ងៃអនាគតមនុស្សនឹងយករបស់តូចមួយតាមខ្លួន ដែលអាចឱ្យពួកគេប្រើប្រាស់លក្ខណៈអាជីវកម្មបែបអេឡិចត្រូនិក គ្រប់ទីកន្លែងដែលពួកគេរស់នៅ។ អាចឆែកមើលព័ត៌មាន, កក់ជើងហោះហើរ, ទទួលព័ត៌មានពីទីផ្សារសេដ្ឋកិច្ច និងធ្វើរឿងជាច្រើនទៀត។
មកទល់ពេលនេះ របស់នោះគឺជាស្មាតហ្វូន, ថេបប្លែត, នាឡិកាឆ្លាតវៃ ដែលអនុញ្ញាតឱ្យមនុស្សធ្វើរឿងទាំងនោះបាន អាចពិនិត្យមើលតម្លៃទីផ្សារភាគហ៊ុន, កក់សំបុត្រ និងពិនិត្យមើលអាកាសធាតុជាដើម។
៣.ទូទាត់ការចំណាយនិងទំនាក់ទំនងជាមួយវេជ្ជបណ្ឌិតតាម Online
Gates ក៏បានទស្សន៍ទាយទៀតថា មនុស្សនឹងទូទាត់ការចំណាយ, មើលថែសុខភាព និងទំនាក់ទំនងជាមួយវេជ្ជបណ្ឌិតតាមរយៈអ៊ីនធឺណិត។
ពេលនេះវាជាការពិតទាំងអស់ ខណៈមនុស្សអាចទូទាត់ចំណាយតាមរយៈមុខងារពិសេសៗដូចជា Apple Pay, SAMSUNG Pay, ការពិនិត្យមើលតុល្យភាពសាច់ប្រាក់គណនីធនាគារជាមួយកម្មវិធី និងការណាត់ជួបជាមួយវេជ្ជបណ្ឌិតតាមរយៈកម្មវិធី ZocDoc។
៤.តាមដានផ្ទះខណៈអ្នកមិននៅ
Gates ទស្សន៍ទាយថា វីដេអូបង្ហាញពីទិដ្ឋភាពក្នុងផ្ទះរបស់អ្នកនឹងក្លាយជារឿងធម្មតា ដែលអាចប្រាប់ថាមាននរណាចូលក្នុងផ្ទះរបស់អ្នក ពេលអ្នកមិននៅ។
បច្ចុប្បន្នមនុស្សអាចតាមដានពីរឿងរ៉ាវទាំងនោះបាន តាមរយៈកាមេរ៉ាសុវត្ថិភាពក្នុងផ្ទះ ទៀតសោតវាអាចភ្ជាប់ទៅកាន់ស្មាតហ្វូនដែលមានក្នុងដៃរបស់យើងក៏បាន។
៥.បណ្ដាញសង្គម
Gates ក៏ទស្សន៍ទាយថា គេហទំព័រឯកជនសម្រាប់មិត្តភ័ក្ដិអ្នកនិងគ្រួសារអាចក្លាយជារឿងសាមញ្ញ ក្នុងការទាក់ទងគ្នាតាមរយៈការផ្ញើសារនិងគ្រោងផែនការណាមួយ។
ឥឡូវមានហើយដូចជា Facebook, Instagram, SnapChat ដែលវាអាចបម្រើសេវាកម្មលើសពីអ្វីដែលសេដ្ឋីរូបនោះ រំពឹងទុកថែមទៀតផង។
**ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
បន្តចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
