សោកស្ដាយបេក្ខជន និង បេក្ខនារីគ្មានឱកាសឆ្លងទៅកាន់វគ្គបន្ទាប់យប់មិញ

2017-07-15 03:12:20
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខជន និងបេក្ខនារីចំនួន១០រូបត្រូវបានធ្លាក់ចេញពីការប្រកួតដើរម៉ូដយប់មិញនៅក្លឹប GL ក្រោមការដាក់ពិន្ទុយ៉ាងសុក្រឹតពីគណៈកម្មការទាំង៤រូប។

ក្រោយពីបេក្ខជន និងបេក្ខនារីទាំង១០ រូបរបូតចេញពីកម្មវិធីធ្វើឲ្យគណៈកម្មការ និងអ្នកដែលទស្សនានៅទីនោះផ្ទាល់មានអារម្មណ៍សោកស្ដាយយ៉ាងខ្លាំងផងដែរចំពោះលទ្ធផលមួយនេះ។

ទឹម រដ្ឋា ដែលជាគ្រូបង្វឹក និងជាគណៈកម្មការមួយរូបបានលើកឡើងថា៖ "បើសិនជាអាចក្នុងចិត្តបង ….បងចង់ឲ្យប្អូនៗទាំងអស់គ្នាជាប់ មិនចង់ឲ្យអ្នកណាម្នាក់ធ្លាក់ចេញពីកម្មវិធីឡើយ តែនេះគឺជាការប្រឡង បងដាក់ពិន្ទុទៅលើការដើរ ការលេងទឹកមុខ និងភាពរួសរាយ ទៅតាមសមត្ថភាពរបស់ប្អូន"។

ទោះបីជាបេក្ខជន និងបេក្ខនារីចំនួន១០រូបគ្មានឱកាសទៅវគ្គបន្ទាប់ទៀតក្ដី ទឹម រដ្ឋា បានជំរុញលើកទឹកចិត្តចំពោះពួកគេទាំង១០រូបកុំឲ្យអស់សង្ឃឹមរងចាំការប្រឡងនៅឱកាសក្រោយទៀត។

ដោយឡែកចំពោះគ្រូបង្វឹកមួយរូបទៀត និងជាគណៈកម្មការ អ៊ុន សិទ្ធា បន្ថែមថា លោកសង្ឃឹមលទ្ធផលដែលប្រកាសចេញទៅបេក្ខជន និងបេក្ខនារីដែលធ្លាក់អាចទទួលយកបាន ព្រោះនេះគឺជាការដាក់ពិន្ទុយ៉ាងត្រឹមត្រូវយ៉ាងសុក្រឹតពីគណៈកម្មការទាំង៤រូប។

“ទោះបីជាប្អូនៗទាំង ១០ រូបមិនអាចឆ្លងទៅកាន់វគ្គបន្ទាប់ក្ដីតែពួកយើង នៅតែស្រឡាញ់រាប់អានគ្នាបន្តទៀត ព្រោះប្អូនៗមិនទាន់អស់ឱកាសទេ ព្រោះខ្ញុំទម្រាំមានថ្ងៃនេះឆ្លង កាត់វគ្គធ្លាក់ ជាច្រើន អញ្ចឹងសូមប្អូនៗកុំអស់សង្ឃឹម"។ អ៊ុន សិទ្ធា បញ្ជាក់។

គួរបញ្ជាក់ថា ក្រោយពីជម្រុះអ្នកដើរបង្ហាញម៉ូដប្រុសស្រី១០ នាក់ចេញកាលពីយប់មិញនៅស្រីស្រស់ប្រុសស្អាតចំនួន២០ រូបទៀត នឹងត្រូវធ្វើធ្វើការជម្រុះនៅថ្ងៃទី២១ ដែលជាវគ្គបន្ទាប់៕