មិនគួរឱ្យជឿ! ក្មេងកំពត ២នាក់នេះអាយុច្រើន ប៉ុន្តែរៀនថ្នាក់ទី ២ និងទី ៦

2017-07-17 02:21:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្វីបើអាយុច្រើនក៏ពិតមែន ប៉ុន្តែបងប្អូនប្រុសបង្កើត ២នាក់នេះ មិនអាចរៀននៅអនុវិទ្យាល័យទេ ព្រោះពួកគេមានមាឌតូចល្អិតដូចកូនក្មេង។

ណុប ភាក់ (ឆ្វេង) និង ណុប អ៊ាង (ស្ដាំ)

ណុប អ៊ាង អាយុ ២០ឆ្នាំ (កម្ពស់មិនដល់ ១ ម៉ែត្រ) កំពុងរៀនថ្នាក់ទី ២ ចំណែកប្អូនពៅអាយុ ១៨ ឆ្នាំ ឈ្មោះ ណុប ភាក់ កំពុងសិក្សាថ្នាក់ទី ៦ ចំនួន ៣ ឆ្នាំមកហើយ។ ការរៀនត្រួតថ្នាក់នេះ មិនមែនប្អូនមិនចេះទេ ព្រោះតែពួកគេ មិនអាចជិះកង់ទៅរៀននៅអនុវិទ្យាល័យ ចម្ងាយប្រហែល ៣គីឡូម៉ែត្របាន។

ប្អូនប្រុស ណុប អ៊ាង ប្រាប់ថា ប្អូនចង់បន្តការសិក្សានៅអនុវិទ្យាល័យនៅឆ្នាំក្រោយ ប៉ុន្តែប្រហែលមិនអាចទៅបានទេ ព្រោះសុខភាពប្អូនមិនសូវល្អ ដោយជិះកង់ឆ្ងាយចេះតែឆាប់ហត់។ ប្អូននិយាយថា បើសិនជាមានកង់អគ្គិសនី១ គ្រឿង ប្រហែលជាអាចទៅរៀនបាន ប៉ុន្តែបើអត់មានប្អូនមានតែសម្រេចចិត្តឈប់រៀនតែម្ដង។

អ្នកស្រី នូច មុល ត្រូវជាម្ដាយ បានប្រាប់ថា កូនទាំងពីររបស់អ្នកស្រី មិនអាចធ្វើអ្វីបានក្រៅពីការងារស្រាលៗឡើយ។ ម៉្យាងពួកគេឧស្សាហ៍ឈឺថ្កាត់ជាញឹកញាប់ ជាហេតុរំខានដល់ការសិក្សា ហើយអ្នកស្រីមិនប្រថុយឱ្យកូនជិះកង់ផ្លូវឆ្ងាយនោះដែរ។

អ្នកស្រី នូច មុល

ស្ត្រីមេម៉ាយវ័យ ៥៣ ឆ្នាំ រស់នៅភូមិប្រមូល ឃុំត្រមែង ស្រុកឈូក ខេត្តកំពត រៀបរាប់បន្តថា អ្នកស្រីមានកូន ៦នាក់ (ស្លាប់២) ហើយកូនស្រីៗរបស់អ្នកស្រីទាំង ២ មានកម្ពស់ធម្មតាទេ ចំណែកកូនប្រុសទាំង២ សុទ្ធតែទាប ដោយ។ ពេលសួរថា ហេតុអ្វីបានជាកូនប្រុសទាំង២ របស់អ្នកស្រីមានកម្ពស់ទាប? អ្នកស្រី នូច មុល ឆ្លើយថា មិនដឹងឡើយ ដោយគ្រាន់បង្កើបថា បែបកាត់ទៅតាមប្ដីអ្នកស្រី (កម្ពស់ ១.៥០ ម៉ែត្រ, ស្លាប់ឆ្នាំ ២០១៥)។

សព្វថ្ងៃគ្រួសារអ្នកស្រីរស់នៅពឹងលើមុខរបរបន្តិចបន្តួច និងកូនស្រីធ្វើការរោងចក្រ មកផ្គត់ផ្គង់ជីវភាពគ្រួសារ៕