ខាំ ខ្លានាង៖ ជាតិនេះបានល្បីត្រឹមលោកគ្រូ បឺត ខាំ អស់ចិត្តហើយ
- 2017-07-17 07:37:39
- ចំនួនមតិ 0 | ចំនួនចែករំលែក 0
ខាំ ខ្លានាង៖ ជាតិនេះបានល្បីត្រឹមលោកគ្រូ បឺត ខាំ អស់ចិត្តហើយ
ចន្លោះមិនឃើញ
ខាំ ខ្លានាង សិស្សអតីតអ្នកប្រដាល់ល្បីឈ្មោះ បឺត ខាំ បង្ហើបពីគោលបំណងនាថ្ងៃអនាគតថា បានល្បីប្រហែលលោកគ្រូរបស់ខ្លួនក៏អស់ចិត្តដែរ។
ឆ្លើយជាមួយ Sabay ក្រោយយកឈ្នះកីឡាករថៃ Wanphichit នៅសង្វៀន PNN ក្នុងកម្មវិធីសង្វៀនអ្នកប្រយុទ្ធកាលពីម្សិលមិញនេះ ខ្លានាង បានឲ្យដឹងថា ខ្លួនមើល បឺត ខាំ វៃតាំងពីនៅអាយុជាង ១០ឆ្នាំ។ បឺត ខាំ ជានិមិត្តរូបរបស់ខ្លួន និងជាគ្រូបង្វឹកល្អម្នាក់ ដែលធ្វើឲ្យគេអាចឡើងសង្វៀនប៉ះអ្នកខ្លាំងមកពីថៃដូចសព្វថ្ងៃ។
កីឡាករវ័យ ២២ឆ្នាំរូបនេះបន្ថែមថា លោកគ្រូរបស់គេមានកម្រិតក្បាច់គុនល្អ ទាំងបច្ចេកទេស ល្បឿនញាក់ ហើយវ៉ៃចេញគឺធ្ងន់ល្អគ្រប់ក្បាច់។ គ្រូរបស់ ខ្លានាង ប្រាប់ថា ក្បាច់គុនរបស់គេបច្ចុប្បន្នមានត្រឹម ៥០% នៃក្បាច់គុនរបស់ បឺត ខាំ ពីមុនប៉ុណ្ណោះ ដូច្នេះបើចង់ល្បីដូចគ្រូរបស់គេ ត្រូវចំណាយពេលច្រើនទៀត ដើម្បីហាត់រៀនបន្ថែម។
ខាំ ខ្លានាង បានចូលហ្វឹកហាត់ជាមួយ បឺត ខាំ ៧ឆ្នាំមកហើយពោលគឺតាំងពីឆ្នាំ២០១០។ កីឡាកររូបនេះទើបទទួលការចាប់អារម្មណ៍ពីសំណាក់អ្នកគាំទ្រគុនខ្មែរមួយរយៈចុងក្រោយនេះ បន្ទាប់ពីរូបគេសាងស្នាដៃឈ្នះដៃគូបរទេសជាបន្ទាប់៕