គួរឲ្យសរសើរ! ពិការជើងម្ខាងមែន តែស៊ូរហូតបានតំណែង "Mr England" ឆ្នាំ ២០១៧

2017-07-17 07:05:50
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាម៉ូដែលរបស់ប្រទេសអង់គ្លេសម្នាក់បានធ្វើឲ្យមហាជនជាច្រើនកោតសរសើរ ដោយសារភាពក្លាហាន និងការតស៊ូ អំណត់គ្រប់យ៉ាង បើទោះខ្លួនជាជនពិការក៏ដោយ។

តារាម៉ូដែល Jack Eyers វ័យ ២៨ឆ្នាំ ដែលជាគ្រូបង្ហាត់ដែលពោរពេញដោយសមត្ថភាពរូបនេះ បានក្លាយជាម្ចាស់គ្រងតំណែង "Mr England” ដោយបានយកឈ្នះបេក្ខជន ២៤នាក់ផ្សេងទៀត ក្នុងវគ្គផ្ដាច់ព្រ័ត្រ កាលពីយប់ថ្ងៃសុក្រ សប្ដាហ៍មុន។

ក្រោយបានទទួលជោគជ័យប្រចាំប្រទេសហើយ បេក្ខជនជយលាភីរូបនេះ សង្ឃឹមថាខ្លួននឹងអាចយកឈ្នះក្នុងការប្រកួតប្រជែងលំដាប់ថ្នាក់ពិភពលោក "Mr World” ដែលនឹងប្រារព្ធឡើងនៅឆ្នាំក្រោយទៀត។

បុរសក្លាហានរូបនេះបាននិយាយថា៖ "រយៈពេល ៥ឆ្នាំចុងក្រោយនេះ ខ្ញុំបានព្យាយាមបំពេញបេសកកម្មជាច្រើន ក្នុងបំណងលើកកម្ពស់ជនពិការក្នុងវិស័យម៉ូដ និងដើម្បីក្លាយជាជនគំរូម្នាក់សម្រាប់ជនពិការដទៃទៀត”។

គួរបញ្ជាក់ផងដែរថា ជើងរបស់ Jack ត្រូវបានកាត់ចោលតាំងកើតភ្លាម ដោយសារជើងម្ខាងមានបញ្ហាធ្ងន់ធ្ងរ និងធ្វើឲ្យលោកឈឺចាប់ខ្លាំង។ ក្រោយវះកាត់ លោកមានក្ដីសុបិនចង់ក្លាយជាអ្នកពន្លត់អគ្គិភ័យ ប៉ុន្តែវាត្រឹមជាក្ដីស្រមៃ ព្រោះលោកដឹងខ្លួនថាមិនអាចទៅរួចទេ ខណៈខ្លួនពិការជើង។

ទោះជាយ៉ាងណា Jack មិនអស់សង្ឃឹមទេ លោកមានតែតស៊ូដើរទៅមុខ រហូតវិវត្តខ្លួនក្លាយជាតារាម៉ូដែល។ ឆ្នាំ ២០១៥ លោកបានក្លាយជាជនពិការប្រុសទី១ ដែលបានដើរបង្ហាញម៉ូដក្នុងកម្មវិធី "New York Fashion Week”