នារីវ័យក្មេងឈប់ម៉ូតូថត Selfie តាមផ្លូវ បែរជួបរឿងអកុសល

2017-07-17 09:32:07
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីជនជាតិថៃអាយុ ១៦ឆ្នាំម្នាក់ ត្រូវបានរថយន្តទំនើបមួយគ្រឿងបុកស្លាប់នៅតាមបណ្ដោយផ្លូវល្បឿនលឿន Bangpu-Bangprain នៅជាយក្រុងបាងកកកាលពីព្រលឹម ថ្ងៃអាទិត្យម្សិលមិញ។

បើយោងទៅតាមការបញ្ជាក់ពីមិត្តភ័ក្ដិរបស់នារីរងគ្រោះថា ពួកគេបានឈប់តាមផ្លូវដើម្បីថតរូបលេង (Selfie) តែមិននឹកស្មានថា រថយន្តទំនើប BMW កំពុងបើកលឿនមកបុកនាងទាំងកម្រោលទៅវិញនៅម៉ោងប្រមាណ ៣ព្រឹក។

ជនរងគ្រោះមានឈ្មោះ កន្និការ ត្រូវមិត្តភ័ក្ដិខាងលើបន្តថា ពេលពួកគេបើកម៉ូតូត្រលប់ទៅផ្ទះវិញ ជនរងគ្រោះបានបបួលមិត្តភ័ក្ដិឲ្យឈប់តាមផ្លូវបន្តិចសិន ដើម្បីថត Selfie ហើយក៏ត្រូវរថយន្ត BMW បើកឆ្ពោះមករកនាងតែម្ដង។

ចំណែកជនបង្កហេតុត្រូវគេស្គាល់ឈ្មោះថា Badin អាយុ ២៨ឆ្នាំ ជាម្ចាស់រថយន្ត BMW បានប្រាប់ថា រូបលោកមិនបានឃើញនារីរងគ្រោះទេពេលកើតហេតុ ខណៈគាត់ក៏បើកត្រលប់ទៅផ្ទះវិញនៅខេត្តអាយុថៈយ៉ា ដែរ។

ភ្លាមៗបន្ទាប់ពីបាត់បង់ជីវិត សពនារីរងគ្រោះត្រូវបានបញ្ជូនទៅកាន់មន្ទីរពេទ្យសាកលវិទ្យាល័យធម្មាសាត ដើម្បីធ្វើកោសល្យវិច័យ។ ឯជនសង្ស័យត្រូវបាននាំខ្លួនទៅសាកសួរ៕