អាយុទើប ១២ឆ្នាំ ក្មេងស្រីម្នាក់នេះធ្លាប់ទៅប្រទេសធំ៣ គ្មានចំណាយមួយរៀល

2017-07-18 07:27:31
ចំនួនមតិ 0 | ចំនួនចែករំលែក 0

ចន្លោះមិនឃើញ

កុមារីអាយុ ១២ ឆ្នាំ បង្ហាញបទពិសោធទៅក្រៅប្រទេស
ជំនាញពិសេសចំនួនពីរដែលត្រូវការចាំបាច់

ថ្ងៃនេះ Sabay សូមលើកយក កុមារីវ័យក្មេងម្នាក់ អាយុត្រឹម ១២ឆ្នាំ តែមានបទពិសោធ បានចេញទៅក្រៅប្រទេស៣ដង ដោយគ្មានចំណាយប្រាក់មួយរៀលឡើយ។ អ្វីដែលកាន់តែចាប់អារម្មណ៍ទៀតនោះ ប្អូនស្រី រៀនពូកែខាងផ្នែកវិទ្យាសាស្ត្រ ដែលត្រៀមទៅប្រកួតប្រជែងជាមួយកុមារក្នុងតំបន់អាស៊ាន នៅប្រទេសហ្វីលីពីន ថ្ងៃស្អែកនេះផងដែរ។

ហាក់ មុនីន្ទវរលក្សណ៍ ដែលជាឈ្មោះពេញរបស់ប្អូនស្រី កំពុងរៀនថ្នាក់ទី ៧ នៅសាលាជំនាន់ថ្មី ក្នុងវិទ្យាល័យព្រះស៊ីសុវត្ថិ បាននិយាយរៀបរាប់ប្រាប់ Sabay ពីមូលហេតុដែលធ្វើឲ្យប្អួន បានចេញទៅក្រៅប្រទេសនោះ ដោយសារប្អូនមានកម្រិតភាសាអង់គ្លេសល្អ អាចទំនាក់ទំនងជាមួយជនបរទេសបានប្រសើរ អមនឹងចំណេះដឹងទូទៅជុំវិញពិភពលោកដែលប្អូនបានរៀនកន្លងមក។ បច្ចុប្បន្ន វរលក្សណ៍ កំពុងសិក្សាភាសាអង់គ្លេសនៅសាលាឯកជនមួយ ថ្នាក់កម្រិតមនុស្សពេញវ័យ។

និយាយបណ្ដើរ ញញឹមបណ្ដើរ កុមារីសម្បុរស្រអែមរូបនេះ បានឲ្យដឹងបន្ថែមថា បើគិតត្រឹមថ្ងៃនេះ វាជាលើកទីបីសម្រាប់ខ្ញុំហើយ ដែលត្រៀមទៅប្រកួតប្រជែងកុមារថ្នាក់អាស៊ានលើកទី ៤ នៅប្រទេសហ្វីលីពីន។ ប្អូនស្រីបន្តថា ប្រទេសដំបូងដែលប្អូនទៅ គឺប្រទេសជប៉ុន និងទី ២ គឺប្រទេសឥណ្ឌា ហើយទី៣ គឺហ្វីលីពីន។ លើសពីនេះ ប្អូនស្រីក៏បានជាប់ឈ្មោះទៅប្រទេសចិនដែរ ប៉ុន្តែដោយសារជាន់ពេលគ្នាជាមួយការប្រកួតនៅហ្វីលីពិីន ទើបខកខាន៕

ចង់ជ្រាបច្បាស់ សូមទស្សនាវីដេអូបទសម្ភាសប្អូនស្រី ហាក់ មុនីន្ទវរលក្សណ៍ ខាងក្រោមនេះ៖