បើចង់ទិញ Zoomer-X ឆ្នាំ ២០១៧ គួរចាំសិនព្រោះ...

2017-07-18 23:42:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូ Zoomer-X ឆ្នាំ ២០១៧ ជាប្រភេទម៉ូតូកំពុងទទួលបានការចាប់អារម្មណ៍ខ្លាំងបំផុតក្នុងចំណោមម៉ូតូអូតូរបស់ Honda ទោះបីជាមានតម្លៃរាងខ្ពស់បន្តិចមែន។ ចំពោះប្រិយមិត្តដែលមានបំណងចង់ទិញម៉ូតូពេលនេះ sabay សូមណែនាំឲ្យរង់ចាំសិន ព្រោះមានចំណុចគួរពិចារណាខ្លះ។

បើតាមទំនៀមទម្លាប់ Honda នឹងបញ្ចេញម៉ូតូ Zoomer-X ស៊េរីថ្មីនៅដើមខែសីហា ពោលសល់តែប្រមាណតែ ២ ទៅ ៣ សប្ដាហ៍ទៀតប៉ុណ្ណោះ។ ជាធម្មតាម៉ូតូដែលចេញថ្មីច្បាស់ជាមានចំណុចថ្មីៗដែលអាចទាក់ទាញជាងម៉ូតូស៊េរីមុន ដូចជាការរចនាតែម, តួខ្លួន ឬ មានការអាប់ដេតឲ្យម៉ាស៊ីនកាន់តែសន្សំសំចៃប្រេងជាដើម។ ដូចនេះពេល Zoomer-X ស៊េរីថ្មីបង្ហាញខ្លួនសឹមសម្រេចចិត្តថាគួរទិញស៊េរីឆ្នាំ ២០១៧ ឬ ស៊េរីឆ្នាំ ២០១៨ ព្រោះពេលវេលាស៊េរីថ្មីបង្ហាញខ្លួនគឺកៀកមែនទែន។

មិនតែប៉ុណ្ណោះពេលម៉ូតូស៊េរីថ្មីចេញលក់វាក៏ជាឱកាសល្អសម្រាប់អ្នកដែលចង់ទិញម៉ូតូស៊េរីមុន ព្រោះថាពេលម៉ូតូថ្មីបង្ហាញខ្លួន តម្លៃម៉ូតូស៊េរីមុនមួយឆ្នាំច្បាស់ជាធ្លាក់បន្តិចបន្តួចជាមិនខាន។ ហេតុនេះប្រសិនបើអាចចាំបានគួរចាំសិន ព្រោះបើសម្រេចចិត្តទិញនៅពេលនេះអាចស្ដាយក្រោយក៏ថាបាន៕

ចុចអាន៖

អត្ថបទ៖ សុខហេង