គូស្នេហ៍ Song Joong Ki និង Song Hye Kyo នឹងបង្ហាញខ្លួនជាមួយគ្នាលើកដំបូង

2017-07-19 03:11:35
ចំនួនមតិ 0 | ចំនួនចែករំលែក 0

ចន្លោះមិនឃើញ

Song Hye Kyo នឹងបង្ហាញខ្លួនដើម្បីគាំទ្រអនាគតស្វាមីខ្លួន ដោយចូលរួមកម្មវិធីលក្ខណៈ VIP សម្រាប់ការបញ្ចាំងរឿងថ្មី ដែលមានចំណងជើងថា "The Battleship Island”។

បើតាមប្រភពមួយពីអ្នកដែលជាប់ព័ន្ធនឹងរឿង "The Battleship Island” បានឲ្យដឹងថា ឈ្មោះរបស់ Song Hye Kyo គឺមានដាក់បញ្ចូលនៅក្នុងបញ្ជីភ្ញៀវ VIP សម្រាប់ការដាក់បញ្ចាំងរឿងនេះ។

នេះគឺជាលើកទី១ហើយដែលគូស្នេហ៍មួយគូនេះ បង្ហាញខ្លួននៅកម្មវិធីជាមួយគ្នា បន្ទាប់ពីប្រកាសថានឹងចូលរោងការនៅខែតុលា ឆ្នាំនេះ។

អ្នកថតរូបជាច្រើនសង្ឃឹមថានឹងបានថតរូបគូស្នេហ៍ថ្មីមួយគូនេះ ប៉ុន្តែមិនទាន់មានការប្រកាសណាមួយថាពួកគេនឹងអនុញ្ញាតឲ្យថតរូបក្នុងកម្មវិធីនេះ ឬអត់នោះទេ?

ទោះបីជាយ៉ាងណាក៏ដោយ ក៏មានអ្នកថតរូបជាច្រើនសង្ឃឹមថានឹងមានឱកាសបានថតរូបអ្នកទាំងពីរជាមួយគ្នា។

ការបញ្ចាំងមុនលក្ខណៈVIP សម្រាប់រឿង "The Battleship Island” នេះនឹងធ្វើទៅនៅថ្ងៃទី ២០ ខែ កក្កដា ចំណែកឯការដាក់បញ្ចាំងផ្លូវការសម្រាប់រឿងនេះ គឺនៅថ្ងៃទី ២៦ ខែកក្កដា៕