ទេស សារិន៖ លើកឡើងពីការតស៊ូក្នុងអាជីពអាជ្ញាកណ្ដាលតាំងពី ២០០១

2017-07-21 02:11:34
ចំនួនមតិ 0 | ចំនួនចែករំលែក 0

ចន្លោះមិនឃើញ

អាជ្ញាកណ្ដាលជើងចាស់និងមានបទពិសោធច្រើន ទេស សារិន ថាលោកចូលប្រឡូកវិស័យជាចៅក្រមនិងអាជ្ញាកណ្ដាលនេះតាំងពីឆ្នាំ២០១១ មកម្ល៉េះ អនុស្សាវរីយជូរចត់និងរីករាយមានច្រើនរាប់មិនអស់។

លោកគ្រូ ទេស សារិន

លោក ទេស សារិន បានឲ្យដឹងថា មុនដំបូងឡើយលោកធ្វើជាចៅក្រមនិងអាជ្ញាកណ្ដាលនៅស្ថានីយទូរទស្សន៍ប៉ុស្តិ៍លេខ៥ និងប៉ុស្តិ៍លេខ៣ តាំងពីឆ្នាំ២០០១ រហូតមកដល់ស្ថានីយទូរទស្សន៍ CTN បង្កើតឡើងទើបលោកប្ដូរមកកន្លែងថ្មីនេះ។ ចំពោះអនុស្សាវរីយលំបាកជូរចត់និងរីករាយមានច្រើនរាប់មិនអស់ក្នុងអាជីពមួយនេះ។ មានទាំងការស្ដីបន្ទោសពីថ្នាក់លើ ការមើលបំណាំគ្នា ឬត្រូវមហាជនរិះគន់ជាដើម ប៉ុន្តែលោកមិនបោះបង់នោះទេ នៅតែតស៊ូរហូតដល់បច្ចុប្បន្ននេះ។

លោកគ្រូ ទេស សារិន

ចៅក្រមជើងចាស់រូបនេះបន្តទៀតថា ប៉ុន្តែឥលូវនេះលែងមានរឿងទាំងនោះអស់ហើយ ថ្នាក់ដឹកនាំបច្ចុប្បន្នលោកតែងលើកទឹកចិត្តកូនចៅ និងស្រឡាញ់កូនចៅជានិច្ច។ បើនិយាយពីការដាក់ពិន្ទុឬ អាជ្ញាកណ្ដាលវិញ គឺលោកមិនហ៊ានធ្វេសប្រហែសនោះទេ ជាពិសេសប្រកាន់គោលជំហរអព្យាក្រឹតមិនលំអៀងឬស៊ីសំណូកនិងប្រកាន់បក្សពួកនោះឡើយ។