តិចនិកបង្កើត YouTube Channel ឲ្យមាន Subscriber ច្រើន

2017-07-21 08:13:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ការបង្កើត YouTube គឺជារឿងងាយស្រួល ដោយគ្រាន់បែបបំពេញលក្ខណមួយចំនួន ប៉ុន្តែការធ្វើឲ្យអ្នកចូលមកទស្សនា ឬ Subscriber ច្រើន គឺជាកត្តាសំខាន់ និងត្រូវដឹងពីបច្ចេកទេសក្នុងការកំណត់។ ដូចនេះ ដើម្បីធ្វើឲ្យ YouTube Channel របស់ប្រិយមិត្តមានអ្នកមើល និង Subscriber ច្រើន គឺត្រូវធ្វើតាមវិធីណែនាំខាងក្រោមនេះ ៖

១. ផលិតវីដេអូដែលមានប្រយោជន៍ និងត្រូវតាមចំណូលចិត្តរបស់អ្នកមើល។

មានន័យថាគួរផលិតវីដេអូទាក់ទងចំណេះដឹងខ្លីៗដែលងាយយល់សម្រាប់ការប្រើប្រាស់ក្នុងជីវភាពប្រចាំថ្ងៃរបស់អ្នកទស្សនា ឬការបង្រៀន និងណែនាំពីផលិតផលល្អថ្មីៗដែលមាននៅលើទីផ្សារ។

២. រចនាផ្ទាំងមុខនៃ YouTube Channel ឲ្យមានភាពសាមញ្ញ។

ផ្ទាំងមុខនៃ YouTube Channel នីមួយៗមិនត្រូវរញ៉េរញ៉ៃពេកទេ ហើយគួរតែដាក់វីដេអូណាដែលធ្វើឲ្យអ្នកទស្សនាងាយដឹងថា Channel នេះមានប្រភេទវីដេអូបង្ហាញពីអ្វីខ្លះ។

៣. ត្រូវមានកាលវិភាគច្បាស់លាស់ដើម្បីបង្ហោះ (Upload) វីដេអូ។

ការកំណត់កាលវិភាគច្បាស់លាស់នៃការបង្ហោះវីដេអូ ឧទាហរណ៍ បង្ហោះវីដេអូថ្មីរៀងរាល់ថ្ងៃសុក្រ ដោយធ្វើដូចនេះ គឺដើម្បីឲ្យអ្នកទស្សនាស្រួលដឹងច្បាស់ថាពេលណាពួកគេអាចទទួលបានវីដេអូថ្មីរបស់អ្នក។

៤. ប្រាប់ពួកគេឲ្យ Subscribe ឬចែករំលែកទៅបណ្ដាញសង្គមនានា។

ប្រាប់ឲ្យ Subscribe គឺមានន័យថា អាចនិយាយណែនាំក្នុងវីដេអូ ឬដាក់ផ្ទាំង Watermark ដែលអាចចុចទៅ Subscribe នៅលើវីដេអូតែម្ដង។

YouTube Channel ដែលល្អគឺត្រូវផលិតវីដេអូដោយខ្លួនឯង ខណៈមានបុគ្គលមួយចំនួនបានយកខ្សែភាពយន្ត និងលួចយកបទចម្រៀងល្បីៗទៅបង្ហោះលើ YouTube Channel របស់ពួកដើម្បីទទួលបានចំនួនអ្នកទស្សនា និង Subscribe ច្រើន ប៉ុន្តែគណនីទាំងនោះដំណើរការមិនបានយូរនោះទេ ព្រោះ YouTube នឹងលុបចោលនៅពេលណាមួយ។

ដោយឡែកសម្រាប់ប្រិយមិត្តដែលចង់ដឹងពីការបង្ហោះវីដេអូថ្មីៗពី YouTube Channel ដែលប្រិយមិត្ត Subscribe នោះ គឺគ្រាន់តែចូលទៅកាន់ YouTube ក្នុង Browser ហើយស្វែងរកសញ្ញាជួង (Notifications) រួចលើរូបសោផ្កាយ (Setting) ហើយសូមធីកលើ Occasionally notify me of new videos and activity from my subscriptions៕