គ្រូបង្រៀន នៅតែឈរតំណែងកំពូលលើទីផ្សារការងារនៅកម្ពុជា
- 2017-07-22 07:37:16
- ចំនួនមតិ 0 | ចំនួនចែករំលែក 0
គ្រូបង្រៀន នៅតែឈរតំណែងកំពូលលើទីផ្សារការងារនៅកម្ពុជា
ចន្លោះមិនឃើញ
ផ្អែកទៅលើទិន្នន័យឱកាសការងារជាង ៥៤០០កន្លែង ដែលបង្ហោះលើអ៊ីនធឺណិត និងពាក្យសុំការងារជាង ២៥៥០០ច្បាប់ ដែលដាក់បញ្ចូលក្នុងគេហទំព័រនៅត្រីមាសទី២ ឆ្នាំ២០១៧នេះ បានបង្ហាញថា គ្រូបង្រៀន នៅតែជាការងារដែលមានអ្នកស្វែងរកច្រើនបំផុត។
របាយការណ៍ខាងលើនេះ បញ្ចេញដោយ everjobs.com.kh ដែលជាគេហទំព័រស្វែងរកការងារដ៏ធំមួយនៅកម្ពុជា។ ទិន្នន័យនៃរបាយការណ៍នេះទទួលបានមកពីការត្រួតពិនិត្យនៅអំឡុងខែមេសា ខែឧសភា និងខែមិថុនា នៃឆ្នាំ២០១៧។ រយៈពេល ៣ខែនេះ ការងារផ្នែកការសិក្សាអប់រំ "គ្រូបង្រៀន" បានបន្តឈរនៅជួរមុខគេក្នុងទីផ្សារការងារកម្ពុជា។
ជាមួយនឹងឱកាសការងារច្រើនជាង ៣៧៥កន្លែង ដែលបានចុះផ្សាយនៅលើគេហទំព័រ everjobs.com.kh នៅក្នុងអំឡុងពេលនេះ បានបង្ហាញថា ការងារផ្នែកការសិក្សាអប់រំទទួលបានការពេញនិយមខ្លាំងពីសំណាក់អ្នកស្វែងរកការងារនៅកម្ពុជា។ everjobs បានបំពេញបែបបទពាក្យស្នើសុំការងារជាង ១ ៦០០ច្បាប់ សម្រាប់មុខតំណែងការងារផ្នែកគ្រូបង្រៀន ទៅតាមរយៈគេហទំព័រនៅក្នុងអំឡុងខែមេសា ឧសភា និងមិថុនា ឆ្នាំ២០១៧នេះ។
អ្នកស្រី Divotsna Jangir អ្នកគ្រប់គ្រងផ្នែកអភិវឌ្ឍន៍អាជីវកម្ម បានលើកឡើងថា «ខណៈដែលការងារផ្នែកការសិក្សាអប់រំ និងធនាគារនៅតែមានអត្រាថេរនៅក្នុងចំណោមមុខតំណែងការងារកំពូលដទៃទៀតក្នុងរយៈពេលដ៏យូរ ដោយសារតែការអភិវឌ្ឍន៍ផ្នែកសេដ្ឋកិច្ចសង្គមនៅកម្ពុជានោះ ការផ្លាស់ប្ដូរនៅពេលថ្មីៗនេះកំពុងតែកើនឡើងគួរឲ្យកត់សម្គាល់... ការងារផ្នែកបច្ចេកទេសដូចជា ព័ត៌មានវិទ្យា និងវិស្វកម្មជាដើមក៏កំពុងកើនឡើងខ្លាំង។»
ពេលដែលការងារ «គ្រូបង្រៀន» ទទួលបានភាពជោគជ័យដោយមានការស្វែងច្រើនជាងគេនៅក្នុងប៉ុន្មានឆ្នាំកន្លងមកនេះ របាយការណ៍ការងារបានកំណត់នូវអត្តសញ្ញាណនៃមុខតំណែងការងារថ្មីមួយដែលទទួលបានការស្វែងរកច្រើនជាងគេដែរនោះគឺ «វិស្វករ»។ អ្នកស្វែងរកការងារនេះមានជាង ១២.២៥% តាមរយៈគេហទំព័រ រីឯក្រុមហ៊ុននានាបានផ្ដល់ឱកាសការងារច្រើនជាង ២០០កន្លែង ក្នុងអំឡុងពេលត្រីមាសទី២ នៅឆ្នាំ២០១៧នេះ៕