WhatsApp ជា​បណ្ដាញ​សង្គម​ពេញ​និយម​មួយ នៅ​លើ​ ​iPhone ដែល​មាន​អ្នក​ប្រើប្រាស់​ប្រចាំ​ខែ​ជាង ១ ពាន់​លាន​នាក់​ ​ដែល​មាន​មុខងារ​ដូច​ជា​ការ​ផ្ញើ​សារ​ជា​អក្សរ, សំឡេង, រូបភាព, វីដេអូ​ទៅ​កាន់​នរណា​ម្នាក់។ ប៉ុន្តែ​កន្លង​មក​ ​កម្មវិធី​នេះ​មាន​បញ្ហា​សម្រាប់ iPad ព្រោះ​នៅ​លើ App Store កម្មវិធី WhatsApp មិន​ដាក់​ឲ្យ​ទាញ​យក​សម្រាប់​ iPad នោះ​ឡើយ។ ដូច​នេះ Sabay សូម​បង្ហាញ​ពី​វិធី​ងាយ​មួយ ក្នុង​ការ​ដំឡើង​ WhatsApp មក​ប្រើប្រាស់​នៅ​លើ iPad យ៉ាង​ពេញលេញ​ដូច​នៅ​លើ​ iPhone ដែរ។

• ត្រូវ​មាន​កុំព្យូទ័រ ហើយ​ទាញ​យក​កម្មវិធី WhatsPad++ និង Cydia Impactor

• ដោត​ភ្ជាប់ iPad ទៅ​កាន់​កុំព្យូទ័រ ហើយ​បើក​កម្មវិធី Cydia Impactor
• ទាញ​ទម្លាក់​កម្មវិធី WhatsPad++ ដែល​បាន ទាញ​យក​ពី​ខាង​លើ មក​ទម្លាក់​ចូល​កម្មវិធី Cydia Impactor

• វា​នឹង​តម្រូវ​ឲ្យ​អ្នក​បញ្ចូល Apple ID និង Password ដែល​អ្នក​អាច​ប្រើ​គណនី​ផ្ទាល់​ខ្លួន​អ្នក​បាន
• ក្រោយ​បញ្ចូល​ហើយ Cydia Impactor នឹង​ធ្វើ​ការ​ដំឡើង​ស្វ័យប្រវត្តិ នូវ​កម្មវិធី WhatsPad++ ចូល​ទៅ​ក្នុង​ iPad
• ក្រោយ​ដំឡើង​ចប់​ ​អ្នក​នឹង​ឃើញ​កម្មវិធី WhatsApp នៅ​លើ​ ​Home Screen
• ឥឡូវ​ចូល​ទៅ​កាន់ Settings > General > Profiles
• បើក​ចូល​ក្នុង Profile ហើយ​វាយ​បញ្ចូល​ Apple ID ដែល​អ្នក​បញ្ចូល​ពី​ខាង​លើ​ ​ហើយ​ចុច Trust
• ជា​ការ​ស្រេច អ្នក​អាច​ប្រើ​កម្មវិធី WhatsApp បាន​ហើយ។​

យ៉ាងណាមិញ​ការ​ប្រើប្រាស់​បែប​នេះ មាន​ការ​កំណត់​ត្រឹម​រយៈ​ពេល​ ​៧​ ​ថ្ងៃ​ប៉ុណ្ណោះ ហើយ​កម្មវិធី​នោះ​នឹង​លែង​ដំណើរការ ម្ល៉ោះ​ហើយ​តម្រូវ​ឲ្យ​អ្នក​ធ្វើ​ការ​ដំឡើង​តាម​ជំហាន​ខាង​លើ​ម្ដង​ទៀត៕

ប្រភព៖ idropnews   ប្រែសម្រួល ​៖ កៅ រក្សា​