មានហើយ! ម៉ាញ៉េទំនើបបំផុតសម្រាប់រថយន្ត
- 2017-07-25 10:28:32
- ចំនួនមតិ 0 | ចំនួនចែករំលែក 0
មានហើយ! ម៉ាញ៉េទំនើបបំផុតសម្រាប់រថយន្ត
ចន្លោះមិនឃើញ
ក្រុមហ៊ុន JVCKENWOOD ពីប្រទេសថៃ បានរៀបចំកម្មវិធីថ្មីៗនេះ ជួបជុំអ្នកតំណាងចែកចាយប្រចាំឆ្នាំ ជាលើកទី៣ របស់ខ្លួន ដើម្បីតាំងបង្ហាញផលិតផលស៊េរីថ្មី ឆ្នាំ២០១៧ ដែលក្រុមហ៊ុនរំពឹងទុកថានឹងកើនឡើងការលក់ ១០០ ភាគរយ ពីឆ្នាំមុនផងដែរ។ ហើយវាពិតជាគួរឲ្យសាទរ ដែលការលក់កើនឡើងរហូតដល់ ២០០ ភាគរយនៅចុងឆ្នាំ ២០១៦។
នៅឆ្នាំ ២០១៧ នេះ JVCKENWOOD បានធ្វើការបង្ហាញនូវផលិតផលរបស់ខ្លួន ដែលអភិវឌ្ឍន៍បច្ចេកវិទ្យា ប្រព័ន្ធសំឡេងជាច្រើនដូចជា 13 bands EQ, អាចភ្ជាប់ទូរស័ព្ទតាមរយៈ Bluetooth ៥ទូរស័ព្ទ ក្នុងពេលតែមួយ, មានកម្មវិធីសម្រាប់បញ្ជាពីទូរស័ព្ទ, ប្រព័ន្ធកំណត់ល្បឿនសំឡេង ប្រព័ន្ធកំណត់សំឡេងឲ្យខ្លាំងជាងមុន នឹង បច្ចេកវិទ្យា K2 ដែលធ្វើឲ្យប្រព័ន្ធសំឡេងឡានរបស់លោកអ្នកកាន់តែពីរោះជាងមុន។
បច្ចេកវិទ្យាខាងលើនេះ JVCKENWOOD បានបង្កើតជាយូរមកហើយ នឹងរឹតតែអភិវឌ្ឍន៏កាន់តែល្អប្រសើរ។ ចំណុចសំខាន់ដែលមិនអាចរំលងដែរនោះ គឺ ភាពស្តើងនៃអេក្រង់ របស់ម៉ាញ៉េឡាន JVCKENWOOD ដែលវាការពារពីការចាំងពន្លឺថ្ងៃ និង អាចចាក់ប្រភេទចម្រៀងដែលមានកម្រិតសំឡេងខ្ពស់។
ជាមួយគ្នានេះដែរ អេក្រង់ម៉ាញ៉េឡានរបស់ JVCKENWOOD ក៏អាចបញ្ជាឲ្យទេរ ទៅតាមចំណង់ចំណូលចិត្តអ្នកប្រើប្រាស់ ហើយក្រុមហ៊ុនក៏អភិវឌ្ឍន៏ម៉ាញ៉េ ដែលអាច ប្រើប្រាស់ Apple CarPlay នឹង Android Auto ជាមួយនឹងមូឌែលទាំងបួននេះ DDX917WS, DDX9017S, DNX9170S and KW-V930BW ផងដែរ។ លើសពីនេះទៀត បច្ចេកវិទ្យា ចែករំលែក អេក្រង់ អាចឲ្យអ្នកប្រើប្រាស់ បញ្ជូនរូបភាពទាំងស្រុងពីទូរស័ព្ទទៅកាន់ ម៉ាញ៉េរបស់ JVCKENWOOD កំរិត HD ដែលវាពិតជាមានលក្ខណៈងាយស្រួលក្នុងការប្រើប្រាស់។
អ្វីដែលល្អបំផុតទៅទៀតនោះ គឺ កាម៉េរ៉ា ថតវីដេអូ សម្រាប់បំពាក់ក្នុងឡានរបស់លោកអ្នក ដែលក្រុមហ៊ុនមានកាម៉េរ៉ា ពីរប្រភេទគឺ DRV N510 នឹង DRV N410 ។ DRV N510 គឺសម្រាប់ម៉ាញ៉េឡានរបស់ JVCKENWOOD ម៉ូឌែល DDX9 នឹង DNX9 តែប៉ុណ្នោះ ប៉ុន្តែ សម្រាប់ DRV N510 វិញ គឺអាចប្រើប្រាស់គ្រប់ឡានទាំងអស់ ដោយថតវីឌេអូ កំរិត Full HD។
កាម៉េរ៉ាទាំងពីរម៉ូឌែលនេះ មានប្រព័ន្ឋ ADAS System ដែលវានឹងបន្លឺសំឡេងនៅពេលដែលមានម៉ូតូ ឬឡាន នៅខាងមុខ និងនៅពេលដែលអ្នកងាកចេញពីគន្លងផ្លូវដែលយើងកំពុងបើកបរ។ ជាមួយនឹងបច្ចេកវិទ្យាថ្មី ដែលធ្វើឲ្យកាម៉ារ៉ាស៊ីថ្មតិចបំផុតនៅពេលដែលយើងពន្លត់ម៉ាស៊ីនឡានចតចោល ដោយវាអាចថតខ្លួនឯង បើសិនជាមានរបស់អ្វីមកជិតឡានរបស់លោកអ្នក។ ហើយវាក៏មានបំពាក់នូវបច្ចេកវិទ្យា HDR ដែលជំនួយក្នុងការថតធ្វើឲ្យរូបភាពកាន់តែច្បាស់ទោះបីជាស្ថិតក្នុងស្ថានភាពងងឹត រឺចាំងខ្លាំងក៏ដោយ។ គួរបញ្ជាប់ផងដែររាល់ផលិតផល JVCKENWOOD គឺមានធានារយៈពេល ២ ឆ្នាំ សម្រាប់អ្នកប្រើប្រាស់ ដើម្បីជាភាពទុកចិត្ត ក៏ដូចជាភាពទទួលខុសត្រូវដែលរបស់ក្រុមហ៊ុនដែលតែងតែផ្តល់ជូនកន្លងមក៕