មកស្គាល់ប្រភេទអេក្រង់បំពាក់លើទូរសព្ទ មួយណាស៊េរីកប់ជាងគេ?

2017-07-26 02:55:04
ចំនួនមតិ 0 | ចំនួនចែករំលែក 0

ចន្លោះមិនឃើញ

អេក្រង់ជាផ្នែកផ្សំដ៏សំខាន់មួយ ដើម្បីដំណើរការទៅបាននៃទូរសព្ទមួយគ្រឿង។ កន្លងទៅតើអ្នកធ្លាប់បានស្គាល់អេក្រង់ប៉ុន្មានប្រភេទហើយ? ចុះអត្ថប្រយោជន៍ពិសេសរបស់វា? ថ្ងៃនេះ Sabay បង្ហាញអំពីអេក្រង់កំពុងពេញនិយមទាំង ៧ ប្រភេទ បន្ថែមនឹងលក្ខណៈសម្បត្តិមួយចំនួន។

១.TFT LCD

TFT LCD ពាក្យពេញគឺ Thin-Film Transistor Liquid-Crystal-Display ជាប្រភេទអេក្រង់ LCD ជំនាន់ថ្មី មានភាពស្តើងជាងមុន។ កម្រិតបង្ហាញភីកសែលនៃអេក្រង់មួយនេះ គ្រប់គ្រងឡើងដោយត្រង់ស៊ីស្ទ័រជាម៉ាទ្រីសសកម្ម ក្នុងគោលដៅរចនាឡើងដើម្បីផ្តល់នូវគុណភាពរូបភាពឲ្យកាន់តែប្រសើរឡើងមួយកម្រិតថែមទៀត។

ស្ថិតក្រោមពន្លឺព្រះអាទិត្យអេក្រង់ TFT មិនអាចបង្ហាញរូបភាពបានល្អប៉ុន្មានឡើយ។ យ៉ាងណាមិញវាជាប្រភេទអេក្រង់ដែលមានតម្លៃធូរថ្លៃ ដែលបំពាក់នៅលើស្មាតហ្វូនស៊េរីទាបៗ និងទូរសព្ទជំនាន់ចាស់ រួមមានដូចជា Samsung Galaxy Star S5280, iPhone 3G និង Nokia 3310 ឆ្នាំ ២០១៧។

២.IPS LCD

IPS មានពាក្យពេញ In Place Switching ដែលជាជំនាន់ខ្ពស់មួយកម្រិតទៀត បន្ទាប់ពីពពួក TFT LCD។ ទន្ទឹមនឹងការរក្សាទុកនូវសារធាតុគ្រីស្តាល់រាវ ស្របនឹងអេក្រង់ បានជំរុញឲ្យគុណភាពបង្ហាញពណ៌ជះមកច្បាស់ល្អ និងផ្តល់ឲ្យឃើញនូវមុំកាន់តែធំជាងអេក្រង់ TFT LCD។

មិនថាតែក្រោមពន្លឺព្រះអាទិត្យ IPS នៅតែបង្ហាញកម្រិតពណ៌រូបភាពច្បាស់ល្អដដែល ជាកត្តាជំរុញឲ្យវាមានតម្លៃថ្លៃជាង TFT ប៉ុន្តែពេញនិយមខ្ពស់ជុំវិញទីផ្សារស្មាតហ្វូននាពេលបច្ចុប្បន្ន។ ស្មាតហ្វូនបំពាក់អេក្រង់ IPS រួមមានដូចជា iPhone 7, Xiaomi Mi 5 និង LG G6 ជាដើម។

៣.OLED

OLED មានពាក្យពេញ Organic Light Emitting Diode។ ស្រទាប់នៃអេក្រង់ជះពន្លឺឆ្លើយតបទៅនឹងចរន្តអគ្គិសនី ដោយវាមានគុណភាពខ្ពស់និងផ្តល់កម្រិតពណ៌ប្រសើរជាងអេក្រង់ LCD។ មានភាពស្តើង, ស្រាល អាចបត់បែនបានយ៉ាងងាយស្រួល។

ខុសពីអេក្រង់ LCD ពពួក OLED ពុំពន្លឺជះទៅខាងក្រោយវិញទេ ជាកត្តាធ្វើឱ្យអេក្រង់ប្រភេទនេះ អាចជួយសន្សំសំចៃថាមពលថ្ម បានមួយចំណែកធំសម្រាប់ស្មាតហ្វូនកំពូលៗនាពេលបច្ចុប្បន្ន ខណៈដែលតម្លៃរបស់វា កាន់តែថ្លៃលើសលប់ធៀបនឹងពពួក IPS។ ប៉ុន្តែវានៅជាជំនាន់ទី ១ ប៉ុណ្ណោះ ខណៈត្រកូលខ្ពស់ផ្សេងទៀតរួមមាន AMOLED និង SUPER AMOLED។

៤.AMOLED

AMOLED មានពាក្យពេញ Active-Matric Organic Light-Emitting Diode។ មិនមានលក្ខណៈពិសេសច្រើនប៉ុន្មាននោះទេ គ្រាន់បន្ថែមនូវបច្ចេកវិទ្យាថ្មីបន្តិចបន្តួចធៀបនឹងអេក្រង់ OLED ធម្មតា។ គ្រប់កម្រិតភីកសែលនីមួយៗ ឆ្លងកាត់ការត្រួតពិនិត្យតាមរយៈ បច្ចេកវិទ្យាម៉ាទ្រីសសកម្ម។

វារក្សាលក្ខណៈសម្បត្តិសឹងទាំងអស់ពីអេក្រង់ OLED រួមមានដូចជា ការបង្ហាញនៃជ្រុងមុំធំ, សន្សំសំចៃថាមពលថ្មខ្ពស់, ទម្ងន់ស្រាល/ស្តើង បន្ថែមនឹងកម្រិតពណ៌ច្បាស់ល្អ។ ទោះបីជាមានតម្លៃថ្លៃបន្តិចក្តី ប៉ុន្តែក្រុមហ៊ុនធំៗជាច្រើនបានសម្រេចបំពាក់អេក្រង់ AMOLED លើស្មាតហ្វូនខ្លួន ដោយរួមមាន OnePlus 5, Oppo R11, Galaxy J3 Pro (2017) ជាដើម។

៥.SUPER AMOLED

ជាកំណែកម្រិតខ្ពស់បន្ថែមទៀត ធៀបនឹងអេក្រង់ AMOLED។ ជាអេក្រង់ដែលមានកម្រាស់ស្តើងជាងគេបំផុត នាពេលបច្ចុប្បន្ន បូកផ្សំនឹងទម្ងន់ស្រាល ហើយសមាមាត្រកម្រិតពណ៌ខ្ពស់។ SAMOLED ឫ SUPER AMOLED អាចមើលឃើញពីជ្រុងមុំទូលំទូលាយយ៉ាងខ្លាំង ងាយស្រួលក្នុងការទស្សនាវីដេអូកម្រិត HD ច្បាស់ត្រជាក់ភ្នែក ប្លែកខុសពីអេក្រង់ដទៃ។

សន្សំសំចៃថាមពលថ្មបានខ្ពស់ ខណៈបច្ចុប្បន្នត្រូវបានគេសម្រេចថា វាជាបច្ចេកវិទ្យាអេក្រង់ល្អបំផុតប្រចាំទីផ្សារស្មាតហ្វូន។ រួមមានដូចជា Galaxy S8/S8+, Moto Z2 Play, ZTE Nubia M2 និង VIVO XPlay 6 ជាដើម។

៦.Retina

Retina ជាប្រភេទអេក្រង់ពេញនិយមប្រើប្រាស់ដោយក្រុមហ៊ុន Apple Inc. ដែលសំដៅទៅលើឧបករណ៍ណាដែលមានកម្រិតគុណភាពបង្ហាញខ្ពស់ និងដង់ស៊ីតេអេក្រង់ប្រហែល ៣០០ ភីកសែលក្នុងមួយអ៊ីញ។ ប៉ុន្តែហាក់បីជាពុំមានការពេញនិយមខ្លាំងក្លាប៉ុន្មាននោះទេជាមួយស្មាតហ្វូនបច្ចុប្បន្ន ខណៈគេធ្លាប់ឃើញអេក្រង់ Retina តែនៅលើពពួក iPad របស់ Apple ប៉ុណ្ណោះឯង។

៧.Gorilla Glass

ក្រៅពីបច្ចេកវិទ្យាអេក្រង់ផ្សេងៗៗដូចបានរៀបរាប់ខាងលើ ក្រុមហ៊ុនផលិតស្មាតហ្វូនបច្ចុប្បន្នបានបង្វែរទៅបំពាក់បន្ថែមនូវកញ្ចក់ការពារជំនាន់ថ្មី មានឈ្មោះថា Gorilla Glass។ ជាស្រទាប់កញ្ចក់ស្តើង ស្រាល អាចការពារអេក្រង់ពីការឆ្កូត និងធ្លាក់។ ជំនាន់ដំបូងបង្អស់បង្ហាញនៅឆ្នាំ ២០០៨ រហូតដល់ជំនាន់ Gorilla Glass 5 និង Gorilla Glass SR+ ជាជំនាន់ចុងក្រោយ ទើបតែបង្ហាញកាលពីឆ្នាំ ២០១៦។

សង្កេតឃើញមានដូចជាក្រុមហ៊ុន Motorola, SAMSUNG និងក្រុមហ៊ុនដទៃទៀត កំពុងបន្ថែមអេក្រង់មួយនេះលើស្មាតហ្វូនស៊េរីទំនើបចុងក្រោយបង្អស់ ខណៈតម្លៃរបស់ Gorilla Glass ក៏រាងខ្ពស់បន្តិចដែរ។ Galaxy S8, OnePlus 5 បានបំពាក់នូវកញ្ចក់ការពារ Corning Gorilla Glass ជំនាន់ទី ៥។

ប្រភព៖ digitallyurs ប្រែសម្រួល៖ កៅ រក្សា

ពាក្យទាក់ទង

ចំណេះដឹងបច្ចេកវិទ្យា កៅ រក្សា

អត្ថបទពេញនិយម

អ្វីទៅអ៊ីនធឺណិតផ្កាយរណប ហើយខុសពីអ៊ីនធឺណិតយើងប្រើរាល់ថ្ងៃដូចម្ដេចខ្លះ?

ក្រុមហ៊ុនអាកាសចរណ៍ AirAsia Cambodia ពង្រីកបន្ថែមជើងហោះហើរត្រង់ទៅកាន់ទីក្រុងសិង្ហបុរី ដែលជាការពង្រឹងការតភ្ជាប់ជើងហោះហើរអន្តរជាតិក្នុងសហគមន៍អាស៊ាន

“សូរសំឡេងនៃតន្ត្រីនៅទីក្រុងកែប” Kep Music City ៖ ទិសដៅចុងសប្តាហ៍ថ្មីសម្រាប់អ្នកនចូលចិត្តតន្ត្រីផ្ទាល់!

យុគ្គសម័យថ្មីនៃការផ្សងព្រេង: ពិធីសម្ភាធន៍ទីតាំងលក់រថយន្ត Jeep® & RAM

ព្រឹត្តិការណ៍ Lotus Legacy: The Spirit of Racing បង្ហាញពីអនាគតរថយន្តដ៏ប្រណិត Lotus Eletre

Ruud van Nistelrooy ៖ Bruno ត្រឡប់មកវិញហើយ

អត្ថបទថ្មី

ក្រុមតេក្វាន់ដូ ITF ក្រសួងមហាផ្ទៃ៖ សមត្ថភាពមិនធម្មតាជាប់ចំណាត់ថ្នាក់លេខ១ រហូត ២ដងជាប់គ្នានៅកីឡាជាតិ លើកទី៣-៤ ក្នុងចំណោមកីឡាទាំងអស់របស់ក្រសួង

ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកមានប្រទីបចំនួនច្រើនចួលរួម

AirAsia Cambodia បន្តពង្រីកជើងហោះហើរអន្តរជាតិថ្មីចំនួនពីរទៅកាន់ប្រទេសវៀតណាម

បុណ្យអុំទូក រំលឹកដល់បុព្វបុរសខ្មែរដែលបង្ក្រាបទ័ពឈ្លានពាន! ចុះបណ្តែតប្រទីប សំពះព្រះខែ និងអកអំបុកវិញ សំដៅលើអ្វី?

ព្រះរាជពិធីបុណ្យអុំទូកឆ្នាំនេះ មានទូកងនិងទូកកមួងចូលរួមប្រកួត៣៤៨ទូក

គណៈកម្មាធិការជាតិរៀបចំបុណ្យជាតិ-អន្ដរជាតិ បានចេញសេចក្ដីណែនាំ ស្ដីពីការរៀបចំព្រះរាជពិធីបុណ្យអុំទូកឆ្នាំ២០២៤