សំដី១ឃ្លានេះរបស់ Conte អាចធ្វើឲ្យ Spurs ក្អួតឈាម
- 2017-07-27 11:32:57
- ចំនួនមតិ 0 | ចំនួនចែករំលែក 0
សំដី១ឃ្លានេះរបស់ Conte អាចធ្វើឲ្យ Spurs ក្អួតឈាម
ចន្លោះមិនឃើញ
គ្រូបង្វឹកក្លឹបតោខៀវ Chelsea លោក Antonio Conte ដែលបានជួយក្រុមឲ្យលើកពានលីកកំពូល អង់គ្លេសកាលពី រដូវកាលមុន បាននិយាយចំអកចំៗកាលពីពេលព្រឹកមិញនេះទៅកាន់ក្រុមមាន់ខ្នាយមាស Spurs ថាគ្មានមហិច្ឆតាចង់លើកពាន។
លោកបាននិយាយថា៖ "បើសិនជាពួកគេ (Spurs)មិនលើកពាន Premier League ក៏មិនមែនជាបញ្ហាធំ។ ទោះពួកគេមិនបានលេងក្នុងក្របខណ្ឌបាល់ទាត់កំពូលអឺរ៉ុប Champions League ក៏រឹតតែមិនមែនជាបញ្ហា ម្យ៉ាងទៀតបើពួកគេធ្លាក់តាំងពីជុំទី១របស់ Champions League ក៏នៅតែមិនមែនជាបញ្ហាធំដុំអ្វីឡើយសម្រាប់ពួកគេ"។
អ្នកចាត់ការសញ្ជាតិអ៊ីតាលីវ័យ៤៧ឆ្នាំរូបនេះបានបន្តទៀតថា៖ "ខ្ញុំមិនដឹងទេ ប៉ុន្តែចំពោះក្រុមធំៗដូចជា Chelsea, Arsenal, Manchester City, Manchester United និង Liverpool បើមិនឈ្នះពាននេះជាបញ្ហាធ្ងន់ធ្ងរណាស់សម្រាប់ក្រុមទាំងនោះ"។ ក្រុម Tottenhem Hotspurs បានឈរលំដាប់លេខ២នៃតារាងលីកកំពូលអង់គ្លេស ប៉ុន្តែក្រុមមួយនេះមិនបានឈ្នះពាន សូម្បីតែ១កាលពីរដូវកាលមុន។ វាមានរយៈពេលជិតដប់ឆ្នាំហើយដែលក្រុមនៅទីក្រុងឡុងដ៍មួយនេះមិនដែលស្គាល់រសជាតិនៃការលើកពាន ពោលគឺចាប់តាំងពីការឈ្នះពាន League Cup កាលពីឆ្នាំ២០០៨ មក Spurs មិនដែលលើកពានអ្វីទាំងអស់៕