ថាមពលអស្ចារ្យ ទាំង១០ របស់ទារក មនុស្សជាច្រើនមិនធ្លាប់ដឹង
- 2017-07-28 03:36:56
- ចំនួនមតិ 0 | ចំនួនចែករំលែក 0
ថាមពលអស្ចារ្យ ទាំង១០ របស់ទារក មនុស្សជាច្រើនមិនធ្លាប់ដឹង
ចន្លោះមិនឃើញ
ឪពុកម្ដាយមួយចំនួនប្រហែលជាមិនបានដឹងឡើយថា ទារកមានថាមពលអស្ចារ្យពីកំណើតជាច្រើន រហូតអាចធ្វើឲ្យយើងនឹកស្មានមិនដល់ទៀតផង។
ខាងក្រោមនេះគឺជា ថាមពលអស្ចារ្យទាំង ១០ របស់ទារក ដែលមនុស្សជាច្រើនមិនធ្លាប់ដឹង៖
#១០ ទារកមិនយំឡើយ
ជាការពិតណាស់ ទារកស្រែក និងថ្ងូរ ប៉ុន្តែមិនយំឡើយ។ បំពង់បង្ហូរទឹកភ្នែករបស់ពួកគេត្រូវបានបិទជិត ដូច្នេះពួកគេមិនអាចផលិតទឹកភ្នែកបានទេ។
#៩ ពួកគេមានអារម្មណ៍ល្អនៅក្រោមទឹក
នៅពេលដែលទារកត្រូវបានជ្រមុជចូលទៅក្នុងទឹក ពួកគេអាចទប់ដង្ហើមបានដោយធម្មជាតិ ខណៈអវយវៈរបស់ពួកគេចាប់ផ្ដើមធ្វើចលនាហែលទឹក។ វាត្រូវបានគេហៅថា «Diving Reflex» ប៉ុន្តែវានឹងបាត់ទៅវិញ នៅពេលទារកមានអាយុប្រហែល ៦ ខែ។
#៨ ទារកអាចលេប និងដកដង្ហើមក្នុងពេលតែមួយ
ចំពោះទារក កន្ទុយបំពង់ករបស់ពួកគេ មានកម្ពស់ខ្ពស់ជាងមនុស្សពេញវ័យ។ នៅពេលដែលពួកគេលេបអ្វីមួយចូលទៅ ផ្លូវដង្ហើមរបស់ពួកគេ មិនត្រូវបានរារាំងដោយសន្ទះខ្យល់ឡើយ។ ដូច្នេះនៅពេលដែលពួកគេលេបអ្វីមួយចូលទៅ ពួកគេនៅតែអាចដកដង្ហើមបានយ៉ាងងាយស្រួល។
#៧ បើចាំបាច់ ទារកអាចកណ្ដាស់ជាប់ៗគ្នា
រន្ធច្រមុះទារក មានសភាពតូចចង្អៀតជាងមនុស្សពេញវ័យ។ ដូច្នេះពួកគេត្រូវការសម្អាតវាឲ្យបានញឹកញាប់។ ដោយសារតែ ទារកមិនអាចផ្លុំច្រមុះរបស់ខ្លួនបាន ពួកគេត្រូវតែប្រើចលនាដែលគ្មានលក្ខខណ្ឌ។ ទារកអាចកណ្ដាស់ជាប់ៗគ្នាមិនឈប់ រហូតដល់ច្រមុះរបស់ពួកគេ បានធូរស្រាល។
#៦ ពួកគេឆាប់គេងលក់
មនុស្សភាគច្រើនគិតថា នៅពេលដែលទារកកំពុងគេង ពួកគេត្រូវរក្សាភាពស្ងៀមស្ងាត់ ឬនិយាយតិចៗជាដើម ប៉ុន្តែវាមិនដូច្នេះទេ ព្រោះសំឡេងខ្លាំងៗមិនប៉ះពាល់ដល់ដំណេករបស់ទារកឡើយ។
#៥ ពួកគេមានរបៀបនិយាយពីកំណើត
អ្នកវិទ្យាសាស្ត្របានរកឃើញថា ទារកយំជាមួយនឹងភាសាកំណើត។ ពួកគេទទួលបានភាសាកំណើតនៅក្នុងផ្ទៃ នៅពេលដែលឮសំឡេងម្ដាយ។
#៤ ទារកទើបនឹងកើតដឹងពីរបៀបវារ
ទារកទើបនឹងកើតមានសមត្ថភាពពេញលេញ ក្នុងការវារទៅរកដោះម្ដាយរបស់ពួកគេ។ បើយោងតាមអ្នកវិទ្យាសាស្ត្រ បានឲ្យដឹងថា ទារកត្រូវបានទាក់ទាញដោយក្លិនទឹកដោះ ធ្វើឲ្យពួកគេវារទៅរកតែម្ដង។
#៣ ទារកមានភាពបត់បែនខ្លាំង
គ្រោងឆ្អឹងទារកមានប្រហែល ៣០០ ឆ្អឹង។ ឆ្អឹងជាច្រើនរបស់ពួកគេលូតលាស់ និងរួមបញ្ចូលគ្នា ទៅជាគ្រោងឆ្អឹងតែមួយ។ ប៉ុន្តែមុនពេលដែលឆ្អឹងត្រូវតភ្ជាប់គ្នា រាងកាយរបស់ទារកទើបនឹងកើត មានភាពបត់បែនខ្លាំងមែនទែន។ វាជាលក្ខណៈពិសេសពីធម្មជាតិ ចាំបាច់បំផុតសម្រាប់ទារក នៅពេលកើត។
#២ ម៉ូដសក់របស់ពួកគេ អាចផ្លាស់ប្ដូរយ៉ាងខ្លាំង
សក់របស់ទារកអាចផ្លាស់ប្ដូរទាំងស្រុង ទៅតាមពេលវេលា។
#១ ទារកអាចកើនទម្ងន់ ៣ ដង ប៉ុន្តែមិនធាត់ឡើយ
នៅក្នុងឆ្នាំដំបូងនៃជីវិតរបស់ពួកគេ ទារកលូតលាស់យ៉ាងឆាប់រហ័ស។ ក្នុងអំឡុងពេលនោះ ទម្ងន់របស់ទារកអាចកើនឡើង ៣ ដង។ ទោះជាយ៉ាងណា ទារកមិនទទួលរងផលប៉ះពាល់ឡើយ ដោយសារតែពួកគេលូតលាស់យ៉ាងឆាប់រហ័ស៕
ចុចអាន៖