ដឹងក្បួនងាយៗមុនពេលប្រឡង ដើម្បីទទួលពិន្ទុខ្ពស់ទោះរៀនមិនសូវពូកែ
- 2017-07-28 07:43:12
- ចំនួនមតិ 0 | ចំនួនចែករំលែក 0
ដឹងក្បួនងាយៗមុនពេលប្រឡង ដើម្បីទទួលពិន្ទុខ្ពស់ទោះរៀនមិនសូវពូកែ
ចន្លោះមិនឃើញ
សាកល្បងវិធីសាស្ត្ររៀនក្នុងរយៈពេលខ្លី ទោះរៀនមិនសូវពូកែក៏ដោយ ក៏អាចទទួលបាននិទ្ទេសល្អគាប់ចិត្តបានដែរ៖
១. ថែទាំសុខភាពឲ្យបានល្អរហូតដល់ថ្ងៃប្រឡង
សុខភាព ជាកត្តាសំខាន់ដែលជះឥទ្ធិពលទៅលើខួរក្បាល ហេតុនេះ ត្រូវញ៉ាំ គេងឲ្យបានគ្រប់គ្រាន់ និងមានពេលលំហែកាយ លេងកីឡាខ្លះផង ។
២. រៀនសរសេរអក្សរឲ្យបានស្អាត
ព្យាយាមសរសេរសំណេរឲ្យបានត្រឹមត្រូវ ជាពិសេសជៀសវាងការប្រើទឹកលុប និងគូសវាសផ្ដេសផ្ដាស។
៣. រៀនសរសេរក្រដាសរ៉ាមឲ្យមានរបៀប
ក្រោយពីសរសេរអក្សរមិនមានកំហុសហើយ មករៀនសរសេរលើក្រដាសរ៉ាមឲ្យត្រង់ស្មើ និងទុកកន្លែងសរសេរឲ្យមានសណ្ដាប់ធ្នាប់ កុំសរសេរតាមតែនឹកឃើញ។
៤. សួរគ្រូពីរបៀបសរសេរចម្លើយឲ្យដូចក្នុងអត្រាកំណែ
ត្រូវឆ្លៀតសួរគ្រូរបៀបសរសេរចម្លើយយ៉ាងម៉េចឲ្យដូចក្នុងអត្រាកំណែ និងព្យាយាមកែតម្រូវរបៀបសរសេរចម្លើយរបស់ខ្លួនឯងតាមគម្រូអត្រាកំណែ។
៥. ធ្វើលំហាត់កុំកាត់ខ្លាំងពេក
ពេលដោះស្រាយលំហាត់ ឬ សមីការ កុំព្យាយាមសរសេរលឿនហើយកាត់ៗ ត្រូវឆ្លងឲ្យបានគ្រប់ដំណាក់កាល ព្រោះខ្លាចបាត់ពិន្ទុ។
៦. រៀនខ្លួនឯងឲ្យបានច្រើន
រៀនខ្លួនបានច្រើនកាលណា អ្នកប្រាកដជាដឹងពីចំណុចខ្លាំងនិងខ្សោយរបស់ខ្លួន ហើយកត់ចំណាំចំណុចខ្សោយទុក ដើម្បីហ្វឹកហាត់បន្ថែម។
៧. ជួបជុំមិត្តភក្ដិរៀនជាក្រុមឲ្យញឹកញាប់
សំខាន់ណាស់ត្រង់ចំណុចនេះ ព្រោះថាការរៀនជាក្រុមអាចជួយឲ្យអ្នកបែកគំនិតបានច្រើន និងមិនចេះទាល់គំនិតពេលប្រឡងមែនទែន។
៨. ចំពោះសំណួរត្រូវឆ្លើយឲ្យគ្រប់
នៅពេលប្រឡង អ្នកត្រូវព្យាយាមឆ្លើយសំណួរឲ្យបានគ្រប់មុខ ទោះមិនសូវចេះក៏ដោយ កុំឲ្យមានចន្លោះ។ សល់សំណួរដែលមិនសូវចេះ អាចទុកឆ្លើយតាមក្រោយ និងព្យាយាមរក្សាអារម្មណ៍ឲ្យមូល ដើម្បីគិត។
៩. កុំបោះចោលមុខវិជ្ជាបន្ទាប់បន្សំឲ្យសោះ បើចង់បាននិទ្ទេសល្អប្រសើរ
មុខវិជ្ជាបន្ទាប់បន្សំ ដូចជា ភាសាអង់គ្លេស ផែនដី និងបរិស្ថានវិទ្យា ព្រមទាំងមុខវិជ្ជាតូចៗផ្សេងទៀត សូមកុំទុកចោលឲ្យសោះ ត្រូវព្យាយាមទន្ទេញមេរៀនតូចៗជារៀងរាល់ព្រឹកព្រលឹម និងមានមិត្តភក្តិឆ្លើយឆ្លងសំណួរចម្លើយជាមួយ ដើម្បីដឹងត្រូវឬខុស៕