Huawei ចង់ក្លាយជាក្រុមហ៊ុនផលិតស្មាតហ្វូនធំជាងគេក្នុងលោក

2017-07-28 14:31:17
ចំនួនមតិ 0 | ចំនួនចែករំលែក 0

ចន្លោះមិនឃើញ

Huawei បានកាន់កាប់ទីផ្សារមួយចំណែកធំនៅក្នុងប្រទេសចិនរបស់ខ្លួនហើយប្រកាសពីមហិច្ចតាចង់ក្លាយជាក្រុមហ៊ុនផលិតស្មាតហ្វូនដ៍ធំមួយក្នុងលោកប្រជែងក្រុមហ៊ុន Apple និង Samsung ។

លោក Richard Yu នាយកប្រតិបត្តិរបស់ក្រុមហ៊ុន Huawei ប្រាប់ CNBC ថា យើងនឹងពង្រីកទីផ្សារបន្ថែមទៀតក្នុងប្រទេសជឿនលឿនជាជាងក្នុងប្រទេសកំពុងអភិវឌ្ឍ ។ ព្រោះយើងមានលទ្ធភាពក្លាយជាក្រុមហ៊ុនមានសក្តានុពលកាន់តែប្រសើរ និងអាចកាន់កាប់តំណែង “កំពូលអ្នកផលិតស្មាតហ្វូនរបស់ពិភពលោក” ។

លោកបន្ថែមទៀតថា បច្ចុប្បន្ននេះ Huawei គឺជាក្រុមហ៊ុនស្មាតហ្វូនលំដាប់ទី៣ក្នុងលោកបន្ទាប់ពី Apple និង Samsung ។ ក្រុមហ៊ុនមានសមត្ថភាពផលិតកំពូលស្មាតហ្វូនប្រកួតប្រជែងជាមួយក្រុមហ៊ុនផ្សេងទៀតដោយនាំយកបច្ចេកវិទ្យាថ្មីៗ និងការរចនាកាន់តែទំនើបដល់អ្នកប្រើប្រាស់របស់ខ្លួន ៕