ច្រើនហួសស្មាន ចំនួនកាមេរ៉ាសុវត្ថិភាពទូទាំងប្រទេសថៃ

2017-07-29 02:20:35
ចំនួនមតិ 0 | ចំនួនចែករំលែក 0

ចន្លោះមិនឃើញ

នាយករដ្ឋមន្ត្រីរបស់ប្រទេសថៃ លោក ប្រាយុទ្ធ ចាន់អូចា បានបញ្ជាឲ្យឆែកកាមេរ៉ាសុវត្ថិភាព CCTV ទាំងជាង ៣សែនកាមេរ៉ាជាប្រចាំ ដើម្បីរឹតបន្តឹងសន្តិសុខទូទាំងប្រទេស។

កាមេរ៉ាទាំង ៣សែននោះ មានខ្លះប្រតិបត្តិការដោយរដ្ឋាភិបាលរបស់ប្រទេសថៃ និងខ្លះទៀតជារបស់ឯកជន។ កាមេរ៉ាទាំងអស់ សុទ្ធតែអាចប្រើប្រាស់ជាភស្តុតាងនៅពេលមានបទល្មើសឧក្រិដ្ឋកើតឡើង ហើយជាទូទៅវាជាប្រភពព័ត៌មានដ៏ល្អបំផុត សម្រាប់ប៉ូលិសក្នុងការស្រាវជ្រាវ។

ប្រសិនបើត្រូវការបន្ថែមទៀត ភ្នាក់ងារត្រួតពិនិត្យនានាអាចស្នើទៅរដ្ឋាភិបាល ដើម្បីទិញបំពាក់បន្ថែម។ យ៉ាងណាក្ដី លោកប្រាយុទ្ធ បានថ្លែងថា នៅពេលនេះ រដ្ឋាភិបាលគ្មានលទ្ធភាពប្ដូរកាមេរ៉ាធម្មតា ទៅកាមេរ៉ាដែលមានគុណភាពខ្ពស់ទាំងអស់នោះទេ។

ចំណាត់ការថ្មីរបស់លោកប្រាយុទ្ធ នឹងផ្ដោតទៅលើមុខងាររបស់កាមេរ៉ាសុវត្ថិភាព និងបញ្ជាក់ឲ្យម្ចាស់កាមេរ៉ាឯកជនទាំងអស់យល់ដឹងពីច្បាប់ ហើយត្រូវប្រគល់វីដេអូឯកសារប្រសិនបើអាជ្ញាធរត្រូវការ។

លោកប្រាយុទ្ធ បាននិយាយថា៖ "ភ្នាក់ងារទាំងឯកជន និងរដ្ឋ ត្រូវសហការ... រឿងកាមេរ៉ាអត់ដើរ មិនអាចយកមកធ្វើជាលេសបានទេ"៕

ប្រភព៖ Coconut ប្រែសម្រួល៖ គង់ វិសាល