Barcelona កំណត់គោលដៅកីឡាករ៣នាក់ទុកជំនួស Neymar ប្រសិនបើចេញ

2017-07-29 03:31:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណើរនៃការចាកចេញរបស់ Neymarកាន់តែក្ដៅឡើងៗ បន្ទាប់ពីកីឡាករប្រេស៊ីលរូបនេះហាក់មិនសូវសប្បាយចិត្តនឹងមិត្តរួមក្រុម ស្របព័ត៌មានចុងក្រោយក្រុមអ្នកមានបារាំង PSG ហ៊ានចំណាយលុយ១៩៥លានផោន និងថែមDi Maria ទៀតជាថ្នូរនៃការដោះដូរ។

យោងតាមសារព័ត៌មានអង់គ្លេស Mirrorបានឲ្យដឹងថា ប្រសិនករណីកីឡាករប្រេស៊ីលវ័យ២៥ឆ្នាំខាងលើដើរចេញពី Barca មែន Coutinho ជាបេក្ខជនដំបូងដែលក្លឹបយកមកជំនួសតំណែង។ ត្បិតតែ Neymar មិនទាន់ទៅណា តែ Barcelona ហាក់ដុតដៃដុតជើងខ្លាំងតាមប្រមាញ់ Coutinho ដោយចុងក្រោយពួកគេឡើងតម្លៃខ្លួនដល់ទៅ៨០លានអឺរ៉ូនិងថែម Rakitic ទៅឲ្យ Liverpool។

គោលដៅបន្ទាប់របស់ម្ចាស់ជើងឯក Copa del Rey កំពុងសម្លឹង Eden Hazard របស់ Chelsea និង Dele Alli របស់ Spurs។ ទាក់ទងនឹងរឿង Hazard លោក Conte គ្មានចេតនាណាមួយចង់ឲ្យកីឡាករបែលហ្សិកចាកចេញទេ។ ចំពោះ Alli ក៏កំពុងក្លាយជាគោលដៅធំរបស់ Barcelona ដែរ ព្រោះកីឡាកររូបនេះមានទេពកោសល្យខ្ពស់និងវ័យក្មេង ហើយតារាឆ្នើម Lionel Messi ក៏បានផ្ដល់យោបល់ឲ្យ ក្លឹបខ្លួនចុះហត្ថលេខាយក Dele Alli ពី Tottenham ប្រសើរជាងការតាមទិញ Coutinho៕