Ronaldo គ្មានវត្តមាននៅ El Clásico Miami ស្អែកទេ ដោយសារ...
- 2017-07-29 06:55:46
- ចំនួនមតិ 0 | ចំនួនចែករំលែក 0
Ronaldo គ្មានវត្តមាននៅ El Clásico Miami ស្អែកទេ ដោយសារ...
ចន្លោះមិនឃើញ
Cristiano Ronaldo តារាល្បីរបស់ Real Madrid មិនអាចទៅចូលរួមលេងទល់នឹងគូប្រជែង Barcelona នៅ International Champions Cup នាថ្ងៃស្អែកក្នុងទីក្រុង Miami បានទេ ព្រោះតែកាលវិភាគរវល់ពេក។
Ronaldo បានអវត្តមានពីរប្រកួតដំបូងក្នុងពានមិត្តភាព ICC នៅរដ្ឋ California កន្លងទៅ ដោយសារតែជាប់រវល់វិស្សមកាលជាមួយមិត្តស្រីដែលកំពុងមានផ្ទៃពោះ។ យ៉ាងណាមិញ ការប្រកួតនៅថ្ងៃស្អែកដែលគេឲ្យឈ្មោះថា El Clásico Miami រវាងក្រុមយក្សអេស្ប៉ាញទាំងពីរ Real Madrid និង Barcelona កីឡាករវ័យ៣២ឆ្នាំនឹងបន្តអវត្តមានជាបន្តទៀត។
បើតាមសម្ដីរបស់លោក Charlie Stillitano ដែលជាអ្នកទទួលខុសត្រូវកម្មវិធី ICC បានប្រាប់សារព័ត៌មាន Miami Heraldថា៖ "ពិតជាសំណាងមិនល្អ ដោយសារតែការរវល់របស់ Ronaldo បានក្លាយជាឧបសគ្គធ្វើឲ្យគេបានមកដល់ទឹកដីអាមេរិក។ គេពិតជាចង់មកទីនេះណាស់ ប៉ុន្តែចុងក្រោយនៅតែមិនបានមក"។ Real Madrid នឹងត្រូវប៉ះ Barcelona នៅថ្ងៃស្អែកពេលព្រឹក ម៉ោង៧:០៥នាទី ខណៈ Manchester City ជួប Spurs នៅម៉ោង៥:០០ព្រឹកថ្ងៃតែមួយ៕
ចុចអាន៖
បុរសម្នាក់តែងខ្លួនជា McGregor ដូចបេះបិទ ផ្អើលគេតាមថតពេញផ្លូវ
Barcelona កំណត់គោលដៅកីឡាករ៣នាក់ទុកជំនួស Neymar ប្រសិនបើចេញ