តើការប្រើឆ្នាំងសាកក្លែងក្លាយ អាចធ្វើឲ្យខូចថ្ម iPhone ដែរទេ?

2017-08-02 02:03:58
ចំនួនមតិ 0 | ចំនួនចែករំលែក 0

ចន្លោះមិនឃើញ

សំណួរដ៏ក្ដៅគគុកមួយបានចោទសួរនៅលើគេហទំព័រ Quora ក្រោមប្រធានបទ "តើការប្រើប្រាស់ឆ្នាំងសាកក្លែងក្លាយអាចបង្កជាបញ្ហាខូចថ្ម ដល់ទូរសព្ទ iPhone ដែរឬទេ?” ចម្លើយគឺ វាមិនប៉ះពាល់ដល់ថ្មនោះទេ បើអ្នកប្រើប្រាស់ឲ្យបានត្រឹមត្រូវ ឬស្លាកសញ្ញា (Brand) មួយដែលអាចទុកចិត្តបាន។

បុគ្គលមួយចំនួនបានផ្ដល់ចម្លើយថាបញ្ហានោះផ្អែកសំខាន់ទៅលើប្រភេទឆ្នាំងសាកដែលអ្នកប្រើ។ ជាការពិតណាស់ ឆ្នាំងសាកក្លែងក្លាយ (Fake) មិនមានគុណភាពល្អដូចរបស់ពិតដែលចេញពី Apple នោះទេ។ ប៉ុន្តែឆ្នាំងសាកក្លែងក្លាយខ្លះ វាមិនបានជាបង្កបញ្ហាភ្លាមៗដល់អ្នកឡើយ រហូតដល់យើងប្រើប្រាស់រាងយូរបន្តិចទើបបញ្ហាចាប់ផ្ដើមកើតមាន។ ជាន័យរួមវាមិនជាបញ្ហាចោទដល់ថ្មនៃស្មាតហ្វូនឡើយ ដរាបណាយើងប្រើប្រាស់ឲ្យបានត្រឹមត្រូវ ព្រោះប្រភេទដុំសាកខ្លះ មានកម្លាំងវ៉ុលខ្ពស់ទាបទៅតាមហ្នឹង បើវ៉ុលកាន់តែខ្ពស់សាកចូលកាន់តែលឿន បើវ៉ុលទាបសាកចូលកាន់តែយឺត។

ខណៈដែលប្រភេទក្លែងក្លាយ មិនមានលិខិតបញ្ជាក់ធានាគុណភាពច្បាស់លាស់ ម្ល៉ោះហើយការលើកឡើងដែលថាជាធម្មតាថ្ម iPhone ពេលពេញ ១០០% វាមានប្រព័ន្ធស្វ័យប្រវត្តិផ្ដាច់ចរន្តអគ្គិសនីបញ្ចូល យើងមិនគួរសាកល្បងជាមួយដុំសាកក្លែងក្លាយឡើយ ព្រោះមតិលើកឡើងនេះសំដៅតែការប្រើជាមួយឧបករណ៍ពិតចេញពីក្រុមហ៊ុនប៉ុណ្ណោះ (ដោយសារកម្លាំងវ៉ុលមានភាពខុសគ្នា) ជាកត្តាបើសាកលើស ១០០% ទុកចោលយូរ នឹងធ្វើឲ្យដុំឡើងកម្ដៅខ្លាំង រហូតអាចបង្កជាបញ្ហាផ្ទុះក៏ថាបាន។

ការប្រើប្រាស់ដែលត្រឹមត្រូវ: (បើអ្នកប្រើឆ្នាំងសាកក្លែងក្លាយ)

មិនគួរសាកចោលពេញមួយយប់ត្រឹម ១០០% គឺបានហើយ
ជ្រើសរើសប្រភេទឆ្នាំងសាកក្លែងក្លាយដែលមានស្លាកសញ្ញា (Brand) គួរឲ្យទុកចិត្តមួយ។

ដោយឡែកបញ្ហាដែលថាខូចថ្មនោះ ជួនកាលអាចមកពីថ្ម ព្រោះធម្មតាថ្មមានរយៈកាលតែជាង ២ ឆ្នាំប៉ុណ្ណោះ ដោយថ្មមួយគ្រាប់មានវដ្ដនៃការសាកមានចំនួនកំណត់ ហើយបើដល់កំណត់វា នោះចំនួនអំពែផ្ទុកក្នុងថ្មនឹងធ្លាក់ចុះម្ដងបន្តិចៗ ជាកត្តាធ្វើឲ្យយើងតែងរអ៊ូថាថ្មមិនសូវកាន់ជាដើម៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Quora ប្រែសម្រួល ៖ កៅ រក្សា