មានត្រឹម ២០០ ដុល្លារ ទូរសព្ទ ៣ ម៉ូដែលនេះអាចឲ្យអ្នកគិតគូរបាន

2017-08-02 03:05:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកមានថវិកាស្ដួចស្ដើងអាចនឹងពិបាកសម្រេចចិត្តក្នុងការជ្រើសរើសម៉ូដែលស្មាតហ្វូនសម្រាប់ប្រើប្រាស់បន្តិច ព្រោះថាបច្ចុប្បន្នលើទីផ្សារមានស្មាតហ្វូនតម្លៃធូរថ្លៃជាច្រើនប្រភេទខុសៗគ្នា ដែលនាំឲ្យពិបាកក្នុងការសម្រេចចិត្ត។ តទៅនេះ Sabay នឹងបង្ហាញជូនស្មាតហ្វូន ៣ ម៉ូដែលតម្លៃខ្ទង់ ២០០ ដុល្លារតែមានលក្ខណៈសម្បត្តិអាចទទួលយកបាន។

Samsung Galaxy J3 Pro (2017) ៖ តម្លៃប្រមាណ ២១០ ដុល្លារ

ទើបតែប្រកាសចេញកាលពីខែមិថុនាកន្លងទៅតែប៉ុណ្ណោះ ដោយមានសមត្ថភាពខ្លាំងដូចជាអេក្រង់ទំហំ ៥ អ៊ីញ អាចបង្ហាញរូបភាពច្បាស់ក្នុងកម្រិត HD (720 x 1280)។ ផ្នែកខាងក្នុងវិញមានបំពាក់ដោយឈីប Exynos 7570 ផលិតដោយ Samsung ផ្ទាល់ដែលមានល្បឿនរត់ ១,៤ GHz និង ជាប្រភេទ Quad-Core ហើយមានបំពាក់ RAM ទំហំ ២ GB។

រូបភាពថតដោយកាមេរ៉ា J3 Pro

មេមូរីម៉ាស៊ីនមានទំហំតែ ១៦ GB ប៉ុណ្ណោះ ប៉ុន្តែអាចបន្ថែមទំហំបានដល់ ២៥៦ GB តាមរយៈមេមូរីកាត។ ផ្នែកកាមេរ៉ាវិញក៏គួរសមដែរដោយមានកាមេរ៉ាខាងក្រោយកម្រិត ១៣ MP និង ខាងមុខកម្រិត ៥ MP។ អ្វីដែលពិសេសនោះគឺដំណើរការដោយប្រព័ន្ធប្រតិបត្តិការ Android ចុងក្រោយបំផុត Nougat 7.0, មានថ្មថាមពល ២៤០០ mAh អាចលេងអ៊ីនធឺណិតបាន ១៤ ម៉ោង, អាចដាក់ស៊ីមបានពីរ និង អាចទ្រាំទ្រប្រព័ន្ធ 4G។

គុណសម្បត្តិ ៖

តម្លៃធូរថ្លៃ
ដាក់មេមូរីបានធំ
ថ្មប្រើបានយូរ

គុណវិបត្តិ ៖

មិនមានទ្រនាប់ស្កេនខ្ចៅដៃ

Sony Xperia L1 ៖ តម្លៃប្រមាណ ២១០ ដុល្លារ

L1 អាចនិយាយថាជាស្មាតហ្វូនតម្លៃមធ្យម ដែលមានរូបរាងថ្លៃ ព្រោះថារូបរាងស្រស់ស្អាតមិនចាញ់ស្មាតហ្វូនកំពូលរបស់ Sony ដទៃទៀតឡើយ។ ចំណុចពិសេសៗរបស់ស្មាតហ្វូននេះរួមមានអេក្រង់ទំហំ ៥,៥ អ៊ីញ អាចបង្ហាញរូបភាពក្នុងកម្រិត HD, ប្រើបន្ទះឈីប Mediatek MT6737T Quad-Core ល្បឿនរត់ ១,៤៥ GHz, RAM ២ GB, មេមូរីម៉ាស៊ីន ១៦ GB អាចបន្ថែមបានដល់ ២៥៦ GB, ថ្មទំហំ ២៦២០ mAh អាចចាក់ចម្រៀងបានដល់ ៦៣ ម៉ោង។

ចំណុចខ្លាំងរបស់ស្មាតហ្វូន Sony ភាគច្រើនគឺនៅលើកាមេរ៉ា ហើយចំពោះ L1 នេះមានបំពាក់កាមេរ៉ាខាងក្រោយទំហំ ១៣ MP និង ខាងមុខកម្រិត ៥ MP អាចថតវីដេអូក្នុងកម្រិត 1080p បានដូចគ្នា។ ស្មាតហ្វូននេះអាចប្រើប្រាស់ជាស៊ីមមួយ ឬ ស៊ីមពីរបានដោយអាចប្រើប្រព័ន្ធ 4G និង ដំណើរការដោយ Android Nougat 7.0។

គុណសម្បត្តិ ៖

ថាមពលថ្មកាន់បានយូរ
អេក្រង់ភ្លឺល្អ
មេរ៉ាអាចប្រកួតប្រជែងស្មាតហ្វូនដទៃ

គុណវិបត្តិ ៖

មានទ្រនាប់ស្កេនខ្ចៅដៃ
អេក្រង់អាចបង្ហាញរូបភាពត្រឹមកម្រិត HD

Nokia 5 ៖ តម្លៃប្រមាណ ១៩០ ដុល្លារ

ម៉ាក Nokia បានវិលត្រឡប់មកវិញដោយបាននាំយកស្មាតហ្វូនជាច្រើនស៊េរីក្នុងនោះរួមមាន Nokia 5 ដែលជាស៊េរីធន់មធ្យមតម្លៃធូរថ្លៃផងដែរ។ ចំណុចគួរចាប់អារម្មណ៍រួមមានអេក្រង់ទំហំ ៥,២ អ៊ីញកម្រិត HD មានគែមមិនសូវក្រាស់, ប្រើឈីប Snapdragon 430 ប្រភេទ Octa-Core ល្បឿន ១,៤ GHz, RAM ទំហំ ២ GB, មេមូរីទំហំ ១៦ GB និង អាចថែមបានដល់ ២៥៦ GB។

វីដេអូបង្ហាញសមត្ថភាពកាមេរា់ Nokia 5

កាមេរ៉ាខាងក្រោយមានទំហំ ១៣ MP ដែលមានបំពាក់មុខងារឆ្លាតវៃជាច្រើន រួមនឹងកាមេរ៉ាខាងមុខទំហំ ៨ MP។ ចំណុចពិសេសផ្សេងទៀតរួមមានទ្រនាប់ស្កេនខ្ចៅដៃនៅខាងមុខ, ដើរដោយ Android Nougat 7.1.1, ថ្មទំហំដល់ ៣០០០ mAh និង អាចដាក់ស៊ីមបានពីរ។

គុណសម្បត្តិ ៖