Mourinho ទិញសុទ្ធកីឡាករយក្ស ចាប់តាំងពីមកដឹកនាំ Mau Utd

2017-08-02 06:52:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងទីផ្សារដោះដូរកីឡាករនេះ លោក Jose Mourinho សម្រេចគោលដៅទិញបានកីឡាករខ្លាំង៣រូបហើយរួមមាន Nemanja Matic, Victor Lindelof និង Romelu Lukaku សរុបចូលគ្នាមានតម្លៃខ្លួនប្រមាណ១៤៦លានផោន។

អ្វីដែលគួរឲ្យចាប់អារម្មណ៍ ចាប់តាំងពីអ្នកចាត់ការព័រទុយហ្គាល់ចូលដឹកនាំបិសាចក្រហមពីរដូវកាលមុនមក លោកបានទិញកីឡាករចំនួន៧រូបហើយ ក្នុងនោះ៦រូបសុទ្ធតែជាកីឡាករកម្ពស់ខ្ពស់ៗចាប់ពី១,៨៥ម៉ែត្រឡើង ឯអ្នកដែលទាបមានម្នាក់គត់គឺ Henrikh Mkhitaryan។ ជាក់ស្ដែងកីឡាករចំណូលថ្មី៣នាក់ខាងលើ Nemanja Matic (១,៩១ម៉ែត្រ), Victor Lindelof (១,៨៥ម៉ែត្រ) និង Romelu Lukaku (១,៨៨ម៉ែត្រ)។

ក្រឡេកទៅកីឡាករដែលលោក Mourinho ទិញកាលពីរដូវកាលមុនវិញ តើពួកគេកម្ពស់ប៉ុន្មាន?

Eric Bailly (១,៨៥ម៉ែត្រ)
Zlatan Ibrahimovic (១,៩៣ម៉ែត្រ)
Paul Pogba (១,៨៨ម៉ែត្រ)
Henrikh Mkhitaryan (១,៧៣ម៉ែត្រ)

មើលតាមជម្រើស១១នាក់របស់ Mourinhoត្រៀមលេងទល់នឹង West Ham នៅសប្ដាហ៍ដំបូងនៃពាន Premier League នៅអាទិត្យក្រោយនេះ បើគិតពីកម្ពស់ជាមធ្យមក្នុងក្រុមកីឡាករមានកម្ពស់១,៨៥ម៉ែត្រ។ ក្រៅពីកីឡាករខាងលើ Man Utd ក៏នៅមានកីឡាករខ្ពស់មួយចំនួនផ្សេងទៀតដូចជា Chris Smalling និង Marouane Fellaini កម្ពស់១,៩១ម៉ែត្រដូចគ្នា៕

ចុចអាន៖

ប្រភព៖ Dailymail ប្រែសម្រួល៖ ហេង សុធារិទ្ធិ