បន្តិចទៀត វិបសាយមជ្ឈមណ្ឌលសេវាកម្មអាជីវកម្មដំបូងនៅស្រុកខ្មែរ ចាប់ដំណើរការ!
- 2017-08-03 10:36:15
- ចំនួនមតិ 0 | ចំនួនចែករំលែក 0
បន្តិចទៀត វិបសាយមជ្ឈមណ្ឌលសេវាកម្មអាជីវកម្មដំបូងនៅស្រុកខ្មែរ ចាប់ដំណើរការ!
ចន្លោះមិនឃើញ
វិបសាយ Bizinfor.center ដែលជាមជ្ឈមណ្ឌលសេវាកម្មអាជីវកម្មដំបូងគេ ដែលប្រមូលផ្ដុំដោយអ្នកជំនាញផ្នែកអាជីវកម្ម និងសហគ្រិនភាពវ័យក្មេង អាចដំណើរការអំឡុងខែ តុលា ចុងឆ្នាំ ២០១៧ នេះ។
លោក ស៊ីម ច័ន្ទគិរីរ័ត្ន ដែលជាសមាជិកក្រុមប្រឹក្សាភិបាលសហគ្រិនវ័យក្មេងកម្ពុជា បានឲ្យដឹងថា គេហទំព័រមជ្ឈមណ្ឌលសេវាកម្មអាជីវកម្មនេះ ចែកជា ២ ផ្នែកធំៗ គឺ៖
ផ្នែកទី ១៖ ផ្នែក Informations Center ចំណុចនេះ គេហទំព័រផ្ដល់ព័ត៌មានធម្មតា ដែលផ្ដោតទៅលើបទបញ្ញាត្តិ សេវាគាំទ្រ ព័ត៌មានម្ចាស់អាជីវកម្ម សេចក្ដីទាក់ទងនឹងណែនាំការគ្រប់គ្រងអាជីវកម្ម ឱកាស ហិរញ្ញទាន ដែលជួយឲ្យសហគ្រាសធន់តូច និងមធ្យមរីកចម្រើនទៅមុខបាន។
ផ្នែកទី ២៖ ទំព័រCompliance dashboard ជាផ្នែកលម្អិតមួយទៀត ដែលតម្រូវឲ្យម្ចាស់សហគ្រាសនីមួយៗ ឲ្យបំពេញគ្រប់លក្ខខណ្ឌ ដើម្បីគ្រប់គ្រងទៅលើសហគ្រាសរបស់ខ្លួនឲ្យបានត្រឹមត្រូវ។ ប្រសិនបើមិនម្ចាស់អាជីវកម្មមិនទាន់បំពេញ វានឹងបង្ហាញពីព័ត៌មានដែលនៅខ្វះនោះ ហើយតើគួររកសេវាពីខាងណាទៅជួយ? ហើយទំព័រថ្មីនោះក៏មានភ្ជាប់មកជាមួយ ប្រព័ន្ធគ្រប់គ្រងគណនេយ្យ គ្រប់គ្រងបុគ្គលិក និង Software ផ្សេងៗទៀត។ ដែលនឹងប្រើប្រាស់បាននៅដើមឆ្នាំក្រោយ ឧទាហរណ៌៖ រយៈពេលនៃការបង់ប៉ាតង់ ការប្រកាសពន្ធ ឬ License អាជីវកម្មរបស់សហគ្រិន។
នៅក្នុងមជ្ឃមណ្ឌលប្រមូលផ្ដុំដោយព័ត៌មាន និងសេវាកម្មដាក់ចូលគ្នា ហើយម្ចាស់អាជីវកម្មអាច ឆាត អាចខលទៅលើសេវាប្រឹក្សាបានគ្រប់ពេល។
ចំពោះគោលបំណងដែលបង្កើតមជ្ឈមណ្ឌលសេវាកម្មអាជីវកម្មនេះឡើង គឺដើម្បីសរុប ឬប្រមូលផ្ដុំរាល់ព័ត៌មានប្រព័ន្ធគណនេយ្យ ប្រព័ន្ធគ្រប់គ្រងបុគ្គលិក និង Software ជាច្រើនទៀតដាក់បញ្ចូលគ្នា ក្នុងការគ្រប់គ្រងអាជីវកម្មដែលផ្នែកទី ១ មិនតម្រូវឲ្យបង់ប្រាក់នោះទេ តែផ្នែកទី ២ បង់(សិក្សាពីម្ចាស់អាជីវកម្មប្រមាណជា ៣០០ នាក់) អាចបង់ចន្លោះពី ១០ ទៅ ២០ ដុល្លារ។
លោកបានបន្ថែមទៀតថា ប្រព័ន្ធថ្មីនេះ ជាការផ្តួចផ្តើមមួយដែលមិនទាន់មានប្រទេសផ្សេងៗមិនទាន់មាននៅឡើយទេ ពោលគឺគេមានត្រឹមតែផ្នែក Informations Center តែបើជំហានទីពីរផ្នែកទំព័រCompliance dashboard នេះគឺជាប្រព័ន្ធច្នៃប្រឌិតថ្មីមួយ ដែលជួយឲ្យសហគ្រិនមានទំនុកចិត្ត និងមាននិរន្តភាពផងដែរ ដោយសារមានការបង់ថ្លៃប្រើប្រាស់។
រំឭកដែរថា គម្រោងនេះមិនទាន់ចេញជាផ្លូវការនៅឡើយទេ ទាល់តែអំឡុងខែ តុលា(សម្រាប់ផ្នែកទី ១) និងដើមឆ្នាំក្រោយ(សម្រាប់ផ្នែកទី ២) ទើបចាប់ដំណើរការ៕