Leicester ទិញបានខ្សែប្រយុទ្ធ Man City ម្នាក់

2017-08-04 03:09:55
ចំនួនមតិ 0 | ចំនួនចែករំលែក 0

ចន្លោះមិនឃើញ

Leicester City បានបំពេញរួចរាល់ក្នុងការផ្ទេរកីឡាករវ័យក្មេង Kelechi Iheanacho ពីក្រុមមេឃខៀវ Manchester City ក្នុងតម្លៃខ្លួន២៥លានផោន ជាមួយកិច្ចសន្យា៥ឆ្នាំ។

កីឡាករនីហ្សេរីយ៉ារូបនេះបានបង្ហាញខ្លួនដំបូងឲ្យ Man City នៅឆ្នាំ២០១៥ លេងបាន៦៤ប្រកួត ទាត់បញ្ចូល៥គ្រាប់។ តាមពិត Kelechiទើបតែចុះកិច្ចសន្យាថ្មីជាមួយក្រុមលោក Pep Guardiola កាលពីខែ សីហា ឆ្នាំមុនបន្តលេងដល់ឆ្នាំ២០២១ ប៉ុន្តែការសម្រេចចាកចេញនេះដោយសារវត្តមានរបស់កីឡាករប្រេស៊ីល Gabriel Jesus មកកាន់ទីក្រុង Manchester ទើបធ្វើឲ្យគេមិនមានកន្លែងឈរជើង។

កីឡាករវ័យ២០ឆ្នាំដែលត្រៀមពាក់អាវលេខ៨នៅ Leicester បានបង្ហាញអារម្មណ៍ថា៖ "វាពិតជាមានអារម្មណ៍ល្អណាស់ ហើយខ្ញុំសប្បាយចិត្តដែលបានក្លាយជាចំណែកមួយនៃក្រុម។ ខ្ញុំដឹងពីមហិច្ឆតារបស់ក្រុម និងបានពិភាក្សាជាមួយអ្នកគ្រប់គ្រង ពួកគេប្រាប់ខ្ញុំទាំងអស់នូវអ្វីដែលខ្ញុំចង់ដឹង ដើម្បីជួយក្រុមទៅដល់គោលដៅមួយ ដែលក្រុមចង់បាន។ ខ្ញុំសប្បាយចិត្តនៅទីនេះ"៕