ជប៉ុនផ្ដល់លុយមកកម្ពុជា ២៤៤លានដុល្លារ លើគម្រោងពិសេសធំៗ២

2017-08-06 02:18:57
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលប្រទេសជប៉ុននឹងផ្ដល់ជំនួយ មកកាន់កម្ពុជាប្រមាណ ២៤៤លានដុល្លារសហរដ្ឋអាមេរិក ដើម្បីអនុវត្តលើគម្រោង២ធំៗ ដែលជាបញ្ហាចម្បងនៅក្នុងប្រទេសកម្ពុជា។ សម្ដេច ហ៊ុន សែន នឹងជួបប្រជុំជាមួយនាយករដ្ឋមន្ត្រីជប៉ុន ស៊ីនហ្សូ អាបេ ដើម្បីចុះហត្ថលេខាលើឯកសារចំនួន២ ជាជំនួយជប៉ុនផ្ដល់មកកម្ពុជារួមមាន៖

១.ហិរញ្ញប្បទានឥតសំណង សម្រាប់អនុវត្តគម្រោងធ្វើឱ្យប្រសើរឡើងវិញការការពារទឹកជំនន់ក្នុងរាជធានីភ្នំពេញ ដំណាក់កាលទី០៤ ដែលមានទឹកប្រាក់សរុប ៣,៩៤៨លានយ៉េន (ប្រមាណជា៣៥លានដុល្លារសហរដ្ឋអាមេរិក)។

២.ឥណទានសម្បទានសម្រាប់គម្រោងអភិវឌ្ឍន៍ចំណតផែកុងតឺន័រថ្មីរបស់កំពង់ផែស្វយ័តក្រុងព្រះសីហនុដែលមានទឹកប្រាក់សរុបចំនួន៣២,៥០២ លានយ៉េន (ប្រមាណជា២០៩លានដុល្លារសហរដ្ឋអាមេរិក)។

គួរជម្រាបជូនថា ការផ្ដល់ជំនួយរបស់រដ្ឋាភិបាលជប៉ុនមកកម្ពុជានេះធ្វើឡើង ក្នុងដំណើរទស្សនកិច្ច របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទៅកាន់ប្រទេសជប៉ុន តបតាមការអញ្ជើញរបស់រដ្ឋាភិបាលប្រទេសមួយនេះ៕

អត្ថបទ៖ វឌ្ឍនៈ