ភាពយន្តប្រវត្តិសាស្ត្រ១ទៀត ត្រៀមបង្ហាញខ្លួនបន្ទាប់ "ហ្លួងព្រះស្ដេចកន"

2017-08-07 05:14:57
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីភាពយន្តប្រវត្តិសាស្ត្រមួយកំពុងត្រៀមអង្រួនវិស័យភាពយន្តខ្មែរ នាពេលថ្មីៗនេះស្ថានីយ៍ទូរទស្សន៍ប៉ុស្តិ៍លេខ៥ ក៏បានប្រកាសផលិតរឿងមួយទៀតដែលដកស្រង់ចេញពីប្រវត្តិសាស្ត្រទាំងស្រុងគឺ "ឃុនឆាង ឃុនផែន"។

អតីតសាស្ត្រាចារ្យសាលាភូមិន្ទវិចិត្រសិល្បៈលោក ហង្ស សុវណ្ណារ៉ា ដែលជាអ្នកស្រាវជ្រាវ និពន្ធនិង ដឹកនាំ រឿងភាគនេះ ប្រាប់ Sabay ថា៖ "រឿងនេះមានសរុបចំនួន៤០ភាគ ដែលយើងយកតាមខ្លឹមសាររឿងដើមទាំងស្រុង និងគ្រាន់តែបន្ថែមល្បោយបន្តិចបន្តួចឲ្យក្លាយសាច់រឿងភាគដ៏ជក់ចិត្ត"។

លោកបន្តថា តួអង្គសំខាន់ក្នុងរឿងនេះមានដូចជា កញ្ញា នី មុន្នីនាថ ជាតួនាង ភឹម លោក កែវ ពិទូ ជាតួ ឃុនឆាង និង ឃឹម រិទ្ធី ជាតួ ឃុនថែន និងមានតារាល្បីៗជាច្រើនរូបទៀតចូលរួមសម្ដែង។

"ឃុនឆាង ឃុនផែន" ត្រូវបានស្រាវជ្រាវនិពន្ធ ព្រមទាំងដឹកនាំសម្ដែង អតីតសាស្ត្រាចារ្យសាលាភូមិន្ទវិចិត្រសិល្បៈលោក ហង្ស សុវណ្ណារ៉ា ដែលជាអ្នកនិពន្ធរឿងភាគបែបបុរាណ ដ៏មានកេរ្តិ៍ឈ្មោះល្បីល្បាញ និងលោក រចនា ដួង ដែលបានចេញថតរយៈពេល១០ថ្ងៃហើយ គិតត្រឹមថ្ងៃ៧ ខែកក្កដានេះ និងត្រៀមចាក់បញ្ចាំងនៅដើមឆ្នាំ ២០១៨ ខាងមុខ នៅលើកញ្ចក់ទូរទស្សន៍ប៉ុស្ដិ៍លេខ៥។

គួររំលឹកថា ខ្សែភាពយន្តដែលនិយាយទាក់ទងពីប្រវត្តិសាស្ត្រខេត្តកំពតនេះ ធ្លាប់ត្រូវបានផលិតចេញជារឿងដុំម្ដងហើយកាលពីអំឡុងឆ្នាំ២០០២-២០០៣ នៅក្នុងផលិតកម្មអង្គរវត្ត៕

អត្ថបទ៖ សុខណា