អាយុទើប៩ឆ្នាំ ដាក់ពាក្យសុំធ្វើការនៅ NASA ស្រាប់តែទទួលការឆ្លើយតបវិញ គួរឲ្យភ្ញាក់ផ្អើល

2017-08-08 01:10:21
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលប្រកាសជ្រើសរើសបុគ្គលិកផ្នែក «មន្ត្រីការពារភព» (Planetary Protection Officer) ភ្នាក់ងារអវកាស ណាសា (NASA) ទទួលបានពាក្យសុំធ្វើការជាច្រើន ប៉ុន្តែគ្មាននរណាម្នាក់ដូចក្មេងប្រុសអាយុ ៩ ឆ្នាំ មានឈ្មោះថា Jack Davis ឡើយ។

ក្មេងប្រុស Jack Davis

Jack បានពន្យល់នៅក្នុងពាក្យសុំការងារ ដែលសរសេរដោយដៃផ្ទាល់ថា «ខ្ញុំបានមើលឃើញស្ទើរតែគ្រប់លំហ និងភាពយន្តមនុស្សក្រៅភព (Alien)។ ខ្ញុំពូកែខាងលេងវីដេអូហ្គេម។ ខ្ញុំនៅក្មេង ដូច្នេះខ្ញុំអាចរៀនគិតដូចមនុស្សក្រៅភព (Alien) បាន»។

ពាក្យសុំការងាររបស់ Jack Davis

ពាក្យសុំការងាររបស់ Jack ត្រូវបានគេថត និងបង្ហោះនៅលើបណ្តាញសង្គមអ៊ីនធឺណិត ដោយធ្វើឲ្យមនុស្សជាច្រើន មានការចាប់អារម្មណ៍ និងភ្ញាក់ផ្អើលយ៉ាងខ្លាំង។

ជាមួយគ្នានេះដែរ នាយកផ្នែកវិទ្យាសាស្ត្រភពរបស់ភ្នាក់ងារអវកាស ណាសា បានឆ្លើយតបទៅកាន់ Jack នៅលើបណ្ដាញសង្គម Twitter ថា «វាជាការការពារផែនដីពីអតិសុខុមប្រាណ ឬ មីក្រុប (Microbe) តូចៗ នៅពេលយើងនាំគំរូត្រលប់ពីភពព្រះច័ន្ទ និងព្រះអង្គារវិញ។ វាក៏ជាការការពារភពផ្សេងទៀត ពីមេរោគរបស់យើងផងដែរ នៅពេលយើងទទួលខុសត្រូវ លើការរុករកក្នុងប្រព័ន្ធព្រះអាទិត្យ»។

ការឆ្លើយតបរបស់ ណាសា

ទោះបីជាយ៉ាងណាក៏ដោយ ភ្នាក់ងារអវកាស ណាសា បានជំរុញឲ្យ Jack និង អ្នកដទៃទៀត ខិតខំរៀនសូត្រ ដើម្បីក្លាយខ្លួនជាអ្នកការពារភព (Guardians of the Galaxy) ដ៏អស្ចារ្យម្នាក់នៅថ្ងៃណាមួយ៕

ចុចអាន៖

ប្រភព៖ Boredpanda ប្រែសម្រួល៖ សេង ឡុង