ម៉ាឡេស៊ីបើកប្រតិបត្តិការប្រឆាំងភេរវកម្ម ឆ្មក់ចាប់មនុស្សជាង ៤០០នាក់ មុនស៊ីហ្គេម

2017-08-08 04:12:49
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សជាង ៤០០នាក់ ត្រូវបានចាប់ឃុំខ្លួនក្នុងប្រតិបត្តិការវាយឆ្មក់ប្រឆាំងភេរវកម្មក្នុងប្រទេសម៉ាឡេស៊ី។ នេះបើតាមការចុះផ្សាយរបស់សារព័ត៌មាន BBC នៅប៉ុន្មានម៉ោងមុននេះ។

អ្នកត្រូវចាប់ឃុំខ្លួន បានមកពីប្រតិបត្តិការឆ្មក់ជាបន្តបន្ទាប់នៅទីក្រុងកូឡាឡាំពួរ ដែលអ្នកទាំងនោះភាគច្រើនជាជនជាតិបង់ក្លាដេស ឥណ្ឌា និងប៉ាគីស្ថាន។ ម៉ាស៊ីនផលិតលិខិតឆ្លងដែនក្លែងក្លាយជាច្រើនគ្រឿង រួមទាំងម៉ាស៊ីនបន្លំឯកសារអន្តោប្រវេសន៍ម៉ាឡេស៊ីត្រូវបានរឹបអូសទៀតផង។

អាជ្ញាធរក្នុងទីក្រុង កំពុងរឹតបន្តឹងខ្លាំងនៅមុនការប្រកួតកីឡាស៊ីហ្គេមនៅប្រមាណមួយសប្ដាហ៍ទៀត។ ការឆ្មក់នៅថ្ងៃច័ន្ទម្សិលមិញ គេឃើញប៉ូលិសវាយបំបែកទ្វារផ្ទះសង្ស័យជាច្រើន និងចាប់មនុស្សដាក់ខ្នោះរាប់សិបនាក់យកទៅប៉ុស្តិ៍ប៉ូលិសដើម្បីស៊ើបសួរ។

អាជ្ញាធរអះអាងថា ប្រតិបត្តិការរបស់ខ្លួន គឺសំដៅទៅរកចាប់ខ្លួនបរទេសណាមានឯកសារធ្វើដំណើរខុស ឬបន្លំបោកប្រាស់ដែលគេជឿថា អាចជាប់ពាក់ព័ន្ធនឹងក្រុមភរវកនៅស៊ីរី និងអ៊ីរ៉ាក់។ "យើងបានរកឃើញ និងចាត់វិធានការបន្ទាន់ប្រឆាំងនឹងជនបរទេសដែលជាប់ការសង្ស័យជាមួយសកម្មភាពភេរវកម្ម"។ មន្ត្រីប៉ូលិសប្រឆាំងភេរវកម្ម Ayob Khan បញ្ជាក់។

មន្ត្រីចូលរួមប្រតិបត្តិការជាច្រើននាក់ បានបំពាក់ជាមួយឧបករណ៍ការពារធាតុវិទ្យុសកម្មផងដែរ តែមិនបានរកឃើញសារធាតុទាំងនោះឡើយ៕

ចុចអាន៖

ប្រភព៖ BBC ប្រែសម្រួល៖ ឡេង ភារុណ