ឥឡូវទាញយក ហ្គេម បានយ៉ាងងាយទោះមិនទាន់មានលក់លើ App Store ឬ Play Store

2017-08-09 08:27:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកដែលនិយមលេងហ្គេម ឥឡូវនេះលែងពិបាករកទៀតហើយ ដោយសារសែលកាត បានចាប់ដៃគូសហការជាមួយ Gameloft នឹងធ្វើឲ្យអតិថិជន សែលកាត អាចដោនឡូតឬទាញយកហ្គេម Gameloft ពិសេសៗ រួមទាំងហ្គេមដែលមិនទាន់មានលក់លើ App Store និង Play Store ផងដែរ។

Gameloft Game Club មានប្រភេទហ្គេមដ៏សម្បូរបែប ដែលហ្គេមមួយចំនួនត្រូវបានបង្កើតឡើងដោយមានការសហការគ្នាជាជាមួយអ្នកផលិតហ្គេមធំៗដូចជា Disney Universal Music និងMarvel។ អតិថិជនសែលកាត មិនត្រឹមតែមានជម្រើសដ៏សម្បូរបែបប៉ុណ្ណោះទេ ប៉ុន្តែអាចទទួលបានហ្គេមប្លែកៗដែលចេញថ្មីជាច្រើនផងដែរ។

លោក Jew Kee Lim នាយកផ្នែកផលិតផលនិងសេវាកម្មរបស់សែលកាត បានមានប្រសាសន៍ថា “ការលេងហ្គេមកម្សាន្តមានការកើនឡើងយ៉ាងខ្លាំងចំពោះយុវជនជុំវិញពិភពលោក ហេតុដូច្នេះហើយយុវជនកម្ពុជាក៏គួរតែរីករាយជាមួយការការលេងហ្គេមកម្សាន្តទាំងអស់នេះដែរ។”

លោកបានបន្ថែមទៀតថា៖ "ប្រទេសកម្ពុជាគឺជាទីផ្សារមួយដែលមានយុវជនភាគច្រើន ប្រើប្រាស់អ៊ីនធើណិតលើទូរស័ព្ទដៃទំនើបៗគួរឲ្យកត់សម្គាល់។ យើងជឿជាក់ថា ហ្គេមកម្សាន្តពិតជាមានសក្តានុពល នៅប្រទេសកម្ពុជា ហើយយើងចាត់ទុកថាហ្គេមកម្សាន្តគឺជាការវិវឌ្ឍន៍ថ្មីមួយ។"

អតិថិជន អាចដោនឡូតហ្គេមទាំងនេះដោយឥតដែនកំណត់ ដោយគ្រាន់តែចំណាយត្រឹមតែ 3000 រៀលក្នុងមួយសប្ដាហ៍តែប៉ុណ្ណោះ។ ចំពោះការទូទាត់វិញ គឺពិតជាមានភាពងាយស្រួលបំផុត ដោយធ្វើការកាត់ទឹកប្រាក់ពីសមតុល្យ សែលកាត របស់អ្នកជាការស្រេច។

Gameloft គឺជាក្រុមហ៊ុនផលិតហ្គេមនិងចែកចាយធំជាងគេរបស់ពិភពលោក។ កាលពីឆ្នាំមុន មានហ្គេមសរុបប្រមាណជាង 1ពាន់លានហ្គេម ត្រូវបានដោនឡោតលេងកម្សាន្តនៅជុំវិញពិភពលោក ហើយមានប្រភេទហ្គេមថ្មីៗប្រមាណជាង 2.8 លាន របស់ Gameloft ត្រូវបានគេដោនឡូតលេងជារៀងរាល់ថ្ងៃ។ ក្រុមហ៊ុនបានបង្កើតហ្គេមកម្សាន្តសម្រាប់គ្រប់ទម្រង់ឌីជីថល ដែលរួមមានទូរស័ព្ទចល័ត ទូរស័ព្ទទំនើប ថេប្លេត ឧបករណ៍លេងហ្គេមដែលភ្ជាប់ទៅទូរទស្សន៍ជាដើម។

http://gloft.co/3a122897