ព្រោះហេតុផលនេះ តារាសិចស៊ី Kendall Jenner សម្រេចចិត្តលក់ភូមិគ្រឹះតម្លៃ ៦,៥លានដុល្លារ

2017-08-10 02:32:18
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង Kendall Jenner ទើបតែលក់ភូមិគ្រឹះរបស់នាងដែលមានទីតាំងនៅ West Hollywood ទើបនឹងទិញកាលពីខែមិថុនាឆ្នាំ ២០១៦។

តារាសម្ដែងនិងម៉ូដែល Kendall Jenner

កំពូលតារាម៉ូដែលវ័យ២១ឆ្នាំរូបនេះបានចំណាយថវិកាដល់ទៅ ៦,៥លានដុល្លារឯណោះដើម្បីទិញភូមិគ្រឹះនេះ ប៉ុន្តែក៏សម្រេចចិត្តលក់ទៅវិញដោយសារតែនាងជឿថាភូមិគ្រឹះនេះនាំសំណាងមិនល្អដល់នាង ដូចជាធ្លាប់បានប្រទះជាមួយអ្នកលួចចូលផ្ទះនាងម្នាក់ ហើយព្រមទាំងបាត់បង់គ្រឿងអលង្ការតម្លៃជាង ២០ម៉ឺនដុល្លារក្នុងហេតុការណ៍ចោរលួច នៅខាងក្នុងភូមិគ្រឹះទៀតផង។

សារព័ត៌មាន TMZ បានរាយការណ៍ថាអ្នកទិញមិនស្គាល់អត្តសញ្ញាណម្នាក់ បានសុខចិត្តទិញយកភូមិគ្រឹះមួយនេះរួចទៅហើយ។

ភូមិគ្រឹះនេះដែរធ្លាប់ជាកម្មសិទ្ធិរបស់ប្ដីប្រពន្ធតារាហូលីវូដល្បីឈ្មោះគឺ John Krasinski និង Emily Blunt តែត្រូវ Kendall ទិញយកកាលពីឆ្នាំ ២០១៦។

លោក John Krasinski និង Emily Blunt

មិនត្រឹមតែប៉ុណ្ណោះ ចំពោះហេតុការណ៍ដែលបានកើតឡើងនេះត្រូវបានគេសង្ស័យថាជាការខុបខិតជាមួយប៉ូលិសទៀតផង ដោយសារតែពេលមានរឿងហេតុកើតឡើង Kendall បានទូរស័ព្ទទៅប៉ូលិសប៉ុន្តែពួកគេពុំបានរកឃើញជនសង្ស័យនោះទេ។

ចំណែកឯ Kris Jenner ដែលជាម្ដាយរបស់នាងវិញក៏បានជំទាស់មិនឲ្យនាងទិញភូមិគ្រឹះនេះដែរ ដោយសារតែមានទីតាំងមិនល្អ។

គូសបញ្ជាក់ដែរថាភូមិគ្រឹះនេះ មានបន្ទប់គេងចំនួន៦និងបន្ទប់ទឹកចំនួន ៥ រាប់បញ្ចូលទាំងអាងហែលទឹក កន្លែងអង្គុយលេង នៅទីធ្លាខាងមុខដែលត្រូវបានរចនាឡើងដោយអតីតម្ចាស់ផ្ទះ តារាសម្ដែង John Krasinski ដោយផ្ទាល់៕

នេះជារូបភាពខ្លះបង្ហាញពីទិដ្ឋភាពរបស់ភូមិគ្រឹះ៖