មាន សូនីតា មានតិចនិកអ្វីទើបធ្វើឲ្យ សេង មង្គល ចាប់ចិត្តដល់ថ្នាក់ហ្នឹង?

2017-08-10 03:48:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្លងកាត់ការប្រើប្រាស់ជីវិតប្រឡូកក្នុងវិថីសិល្បៈជិតមួយទសវត្សរ៍មកនេះកំលោះសង្ហា សេង មង្គល បានថតខ្សែភាពភាគចន្លោះពី ១៥ ទៅ ១៧ រឿង ព្រមទាំងបានចាប់ដៃគូសម្ដែងជាមួយតួឯកស្រីជាច្រើនរូបផងដែរ។ តែក្នុងចំណោមតួឯកស្រីទាំងនោះលោកបែរជាចាប់អារម្មណ៍ មាន សូនីតា ជាងគេទៅវិញ។

តួឯកប្រុសក្នុងរឿង "វាសនានាងវីរីយ៉ា" សេង មង្គល បានប្រាប់ Sabay ថា គ្រប់តួឯកស្រីធ្លាប់សម្ដែងជាមួយគ្នាតាំងពីឆ្នាំ ២០០៩ មកដល់ឆ្នាំ ២០១៧ នេះខ្លួនស្រលាញ់ពេញចិត្តទាំងអស់ តែទាស់ត្រង់ថា មាន សូនីតា គឺជាតួឯកស្រីម្នាក់ធ្វើឲ្យលោកចាប់ចិត្តជាងគេទៅលើសមត្ថភាពតិចនិកសម្ដែង និងទេពកោសល្យ ព្រោះពេលសម្ដែងជាមួយគ្នាម្ដងៗស៊ីចង្វាក់គ្នាបានល្អណាស់ ពីមួយវគ្គទៅមួយវគ្គ។

“សម្រាប់តួស្រីដែលខ្ញុំធ្លាប់សម្ដែងដែលគិតថាស័ក្ដិសមជាមួយខ្ញុំជាងគេ ហើយមើលទៅស៊ីចង្វាក់គ្នា គឺកញ្ញា មាន សូនីតា ហើយរឿងដែលខ្ញុំសម្ដែងជាមួយគាត់គឺរឿង "អ្នកមានគុណ" ដែលដឹកនាំដោយអ្នកស្រី ពាន់ ភួងបុប្ផា "។ នេះបើតាមកំលោះសង្ហា សេង មង្គល រៀបរាប់។

គួរបញ្ជាក់ថា សេង មង្គល ចូលប្រលូកសិល្បៈមុនដំបូងតាមរយៈកម្មវិធី តារាបង្ហាញម៉ូដ Khmer Super Model ទទួលបានជយលាភី១ ក្នុងឆ្នាំ ២០០៩ ។ ក្រោយមកក៏បង្ហាញវត្តមានក្នុងខ្សែភាពយន្តភាគជាបន្តបន្ទាប់ មានដូចជារឿង "បេះដូងខ្ញុំសម្រាប់អ្នកណា" “ដែកសំលៀងចិត្ត" "សាកលវិទ្យាល័យកំណើតស្នេហ៍" “សុបិនយុវវ័យ" "អ្នកមានគុណ" “សម្បត្តិបុរស" “ព្រាយខ្លា" និងជាច្រើនរឿងទៀត៕

ចុចអាន៖ជុំវិញតារាជាតិ

ចុចអាន៖ជិតដល់ថ្ងៃប្រឡងបាក់ឌុបហើយ ស្ដាប់ចម្រៀង៥បទនេះ ចាក់ដោតអារម្មណ៍!

ចុចអាន៖កូនតារាភាពយន្តជើងចាស់ ជា យុទ្ធថន ចង់បន្តវេនឪពុក តែជាប់កាតព្វកិច្ចជាមួយក្មេងក្រីក្រ

អត្ថបទ៖ ឆុង ស៊ីណាន