បញ្ហាប្រឈមសន្តិសុខព័ត៌មានក្នុងវិស័យហិរញ្ញវត្ថុ ដែលអ្នក IT មិនចាប់អារម្មណ៍

2017-10-05 03:29:36
ចំនួនមតិ 0 | ចំនួនចែករំលែក 0

ចន្លោះមិនឃើញ

សន្តិសុខព័ត៌មាននៅក្នុងវិស័យហិរញ្ញវត្ថុគឺមានការកើនឡើងគួរឲ្យកត់សំគាល់។ ភាគច្រើននៃអ្នកគ្រប់គ្រងក្នុងវិស័យនេះផ្តល់សារៈសំខាន់ទៅលើផ្នែកសន្តិសុខ (ការពារប្រព័ន្ធមិនឲ្យមានការវាយលុក) ប៉ុន្តែមិនទាន់ដាក់ផ្នែកនេះឲ្យស្ថិតនៅដោយឡែកពី IT ឡើយ មានន័យថា ធ្វើខ្លួនឯង តេស្តខ្លួនឯង និងផ្តល់កម្រិតសន្តិសុខនិងសុវត្ថិភាពខ្លួនឯង។

លោក អ៊ូ ផាន់ណារិទ្ធ ប្រធានគ្រប់គ្រងផ្នែកសុវត្ថិភាព ICT អះអាងថា ទោះបីជាមានការចាប់ផ្តើមទទួលស្គាល់ក៏ដោយក៏នៅមានបញ្ហាប្រឈមច្រើនដែលត្រូវដោះស្រាយផងដែររួមមាន៖

១. កត្តាធនធានមនុស្ស៖

សឹងតែ ១០០% និស្សិតដែលបញ្ចប់ថ្នាក់បរិញ្ញាប័ត្រ មិនស្គាល់អ្វីទៅជា Cybersecurity នោះឡើយបានត្រឹមតែស្គាល់នូវឧបករណ៍ Networks មួយចំនួនហើយនឹងវិធីប្រើប្រាស់។ វាត្រូវការពេលវេលាយ៉ាងហោចណាស់ ៦ ខែ នៅពេលធ្វើការដើម្បីបំពេញនូវចំណេះដឹងបឋមផ្នែកសន្តិសុខព័ត៌មាន។

២. ការយល់ដឹងថាវាគឺជាបញ្ហាអាជីវកម្ម មិនមែនបច្ចេកទេស

ថ្នាក់ដឹកនាំគ្រាន់តែយល់ថា Cybersecurity គឺជាបញ្ហាអាជីវកម្ម (business issue) មិនមែនអាចដោះស្រាយបានត្រឹមតែបំពាក់ឧបរណ៍នោះទេ (technical issue) ត្រូវការឲ្យគ្រប់គ្នា គ្រប់ផ្នែកធ្វើការសហការណ៍គ្នាដើម្បីទទួលបានលទ្ធផលល្អ។

៣. មិនមានការបង្រៀនមុខវិជ្ជា Cyber Risk សម្រាប់ថ្នាក់សិក្សាឧត្តម ឬក្រោយឧត្តម

និស្សិតដែលទទួលបានការបណ្តុះបណ្តាលផ្នែកគ្រប់គ្រង ឬដឹកនាំមិនទទួលបានការយល់ដឹងអំពី Cyber Risk ឡើយដែលធ្វើឲ្យគាត់មិនអាចស្វែងយល់បានគ្រប់ជ្រុងជ្រោយអំពីហានិភ័យ(Risks)នានាដែលអាចកើតមានឡើងចំពោះស្ថាប័នដែលពួកគេគ្រប់គ្រង។

៤. ការពឹងផ្នែកទាំងស្រុងទៅលើឧបករណ៍

ភាគច្រើននៃអ្នកគ្រប់គ្រងគឺពឹងផ្អែកទាំងស្រុងទៅលើឧបករណ៍ក្នុងការប្រាប់សញ្ញានៃការវាយប្រហារ។ តើអ្នកទុកចិត្តវាប៉ុន្មានភាគរយ? តើធនាគារធំៗដែលទទួលរងការលួចទិន្នន័យ ហើយជាការប្រើប្រាស់ឧបករណ៍មិនទំនើបមែនទេ?

តែបើក្រលេកមើលត្រលប់ក្រោយមើលតាំងពីឆ្នាំ ២០១២ ដែលលោកសាស្រ្តចារ្យចាប់ផ្តើមបញ្ច្រាបការយល់ដឹងអំពីសារៈសំខាន់ផ្នែកសន្តិសុខក្នុងវិស័យហិរញ្ញវត្ថុ លោកឃើញថាមានភាពប្រសើរឡើងច្រើន។

រំឮកដែរថា Cybersecurity Talk នឹងធ្វើឡើងដែលជាព្រឹត្តិការណ៍ចែករំលែកបទពិសោធន៍ទាក់ទងនឹងវិស័យ

អត្ថបទ៖ រក្សា