ស្រីស្អាតវ័យ១៥ឆ្នាំម្នាក់នេះត្រូវជាអ្វីនឹង សុគន្ធ នីសា ទើបមុខស្រដៀងម្ល៉េះ?

2017-08-10 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីឃើញរូបថតក្មេងស្រី ឈិន មុន្នីនាថ ថតកៀកស្និទ្ធស្នាលជាមួយ សុគន្ធ នីសា រួចមកធ្វើឲ្យមតិមួយចំនួនលើកឡើងថា៖"ក្មេងស្រីស្រស់ស្អាតម្នាក់ហ្នឹងត្រូវជាអ្វីនឹង នីសា ហេតុអ្វីបានជាមានមុខមាត់ស្រដៀងគ្នា?”

ក្រោយពីមានការលើកឡើងដូច្នេះក្មេងស្រី ឈិន មុន្នីនាថ ត្រូវជាក្មួយស្រីបង្កើតតារាសម្ដែង និងជាពិធីការិនីអ្នកនាង ឈិន សុធារី បានប្រាប់ Sabay ថា រូបថតជាមួយ សុគន្ធ នីសា នោះគឺរូបគេបានថត ខណៈថតខ្សែភាពយន្តភាគមួយឲ្យផលិតកម្មរស្មីហង្សមាស ដោយក្នុងរឿងនោះក្មេងស្រីវ័យ១៥ ឆ្នាំរូបនេះសម្ដែងជាតួអង្គសុគន្ធ នីសា កាលពីនៅតូច។

“ចាសបងខ្ញុំសម្ដែងជាតួអង្គបង នីសា កាលពីនៅតូចក្នុងរឿង "សិសិររដូវក្នុងបេះដូង" បានជាខាងផលិតកម្មហង្សមាស គាត់យកខ្ញុំដើរតួជាបងស្រី នីសា កាលពីនៅតូច ដោយសារតែគាត់គិតថាខ្ញុំមានទម្រង់មុខស្រដៀងបង នីសា"។ ឈិន មុន្នីនាថ រៀបរាប់។

ក្មេងស្រីរូបនេះបន្តថា រូបគេពិតជាមានមោទនភាព និងសប្បាយរីករាយយ៉ាងខ្លាំង ព្រោះមិននឹកស្មានថា ខ្លួនមានឱកាសបានសម្ដែងជាតួអង្គ សុគន្ធ នីសា កាលពីនៅតូច។ ម្យ៉ាងទៀតការសម្តែងរឿង នេះក៏ជារឿងលើកទី១សម្រាប់នាងផងដែរ៕