រកឃើញយន្តហោះសង្គ្រាមលោកលើកទី២ លើកោះដាច់ស្រយាល ជាមួយនឹងទេសភាព គួរឲ្យភ្ញាក់ផ្អើល

2017-08-11 01:01:39
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកធ្វើវិស្សមកាលអាចរំពឹងថានឹងមើលឃើញភាពអស្ចារ្យជាច្រើន ដែលមិននឹកស្មានដល់ នៅពេលពួកគេដើរផ្សងព្រេងជុំវិញពិភពលោក។ ប៉ុន្តែអ្នកទេសចរដែលមកកម្សាន្តប្រជុំកោះ Micronesian នៃប្រទេសប៉ាឡូ (Palau) បានរកឃើញទិដ្ឋភាពដ៏ចម្លែក និងកម្រមួយ គឺយន្តហោះសង្គ្រាមលោកលើកទី២។

យន្តហោះដែលបាត់ខ្លួនអស់រយៈពេលជាយូរឆ្នាំនេះ ត្រូវបានគេជឿជាក់ថា ជាយន្តហោះរបស់ជប៉ុន ប្រភេទ Aichi E13A ដោយវាត្រូវបានគេរកឃើញនៅទន្លេទឹករាក់មួយ នៅប្រជុំកោះនៃប្រទេសប៉ាឡូ ដែលមានកោះស្រស់ស្អាតចំនួន ៥០០ កន្លែង។

ប្រជុំកោះ Micronesian

បើមើលតាមរូបភាពដែលត្រូវបានចែកចាយនៅលើគេហទំព័រ Imgur បានបង្ហាញឲ្យឃើញ យន្តហោះបាននិងកំពុងតែត្រាំនៅក្នុងទឹកអស់រយៈពេលជាយូរ ប៉ុន្តែវានៅតែរក្សាបានរូបរាងនៅដដែល ដោយយើងអាចមើលឃើញយ៉ាងច្បាស់តែម្ដង។

យន្តហោះរបស់ជប៉ុន ប្រភេទ Aichi E13A

អ្នកប្រវត្តិសាស្ត្រអាកាសចរណ៍ និងជាអ្នកបើកបរយន្តហោះដែលអាចបើកលើទឹកបានម្នាក់ មានឈ្មោះថា Paul Beaver បានប្រាប់សារព័ត៌មាន Dailymail ឲ្យដឹងថា «វាគឺជាយន្តហោះដែលអាចបើកលើទឹកបាន ម៉ាក A13 របស់ប្រទេសជប៉ុន។ វាបានក្រឡាប់ និងបាត់បង់ជើងអណ្ដែតទឹករបស់វា។ វាគឺជាយន្តហោះដ៏កម្រមួយ»៕