Arsenal នឹងធ្វើឲ្យ Sanchez ក្លាយជាកីឡាមានចំណូលច្រើនជាងគេ ឲ្យតែព្រមនៅ

2017-08-11 02:02:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកាំភ្លើងធំ Arsenal ចង់ផ្ដល់កិច្ចសន្យាថ្មីឲ្យ Alexis Sanchez ក្នុងមួយសប្ដាហ៍៣០ម៉ឺនផោន ក្លាយជាកីឡាករមានចំណូលច្រើនជាងគេនៅ Premier League។

កីឡាករឈីលីរូបនេះនៅសល់កិច្ចសន្យាតែមួយឆ្នាំទៀតទេជាមួយក្រុមមានទីតាំងនៅទីក្រុងឡុងដុង ប៉ុន្តែគេមានចេតនាមិនចង់ពង្រីកកិច្ចសន្យាថ្មីជាមួយក្លឹបសោះ។ កន្លងទៅ Arsenal ធ្លាប់ហ៊ានស្នើឲ្យ Sanchez ជាង២២ម៉ឺនផោនក្នុងមួយសប្ដាហ៍ ជាមួយនឹងប្រាក់រង្វាន់ផ្សេងទៀតកើនដល់ជាង២៧ម៉ឺនផោនក្នុងមួយសប្ដាហ៍ ប៉ុន្តែកីឡាករមិនសូវខ្ពស់នេះចង់បានប្រាក់ឈ្នួលដល់៣០ម៉ឺនផោន។

Arsenal កំពុងតាមចងកីឡាករវ័យ២៨ឆ្នាំដែលជាអ្នកនាំលេងក្នុងក្រុមយ៉ាងខ្លាំងឲ្យនៅលេងបន្តទៀត ព្រោះ Manchester City និង Paris Saint-Germain សុទ្ធសឹងតែចង់បានរូបគេ។ Arsène Wenger បានបដិសេធគ្រប់សំណើពីក្លឹបទាំងអស់ ដែលចង់បាន Sanchez ហើយក៏មិនចង់បាត់បង់កីឡាកររូបនេះដោយគ្មានតម្លៃខ្លួនដែរ។ Sanchez នឹងអវត្តមាននៅថ្ងៃនេះ ថ្ងៃបើកឆាក Premier League ពេល កាំភ្លើងធំលេងទល់ Leicester ព្រោះតែរបួសពោះ៕