ញាក់សាច់! Kylie Jenner នឹងក្លាយជាម្ចាស់ជំនួញតម្លៃប៊ីលានដុល្លារ

2017-08-11 07:47:02
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងនិងម៉ូដែល Kylie Jenner នឹងក្លាយជាម្ចាស់ជំនួញតម្លៃប៊ីលានដុល្លារឆាប់ៗនេះហើយ ដែលធ្វើឲ្យនាងក្លាយជាសមាជិកម្នាក់ក្នុងគ្រួសារ kardashian ដែលមានទ្រព្យសម្បត្តិខ្ទង់ប៊ីលានមុនគេបង្អស់។

បន្ទាប់ពីសម្ពោធគ្រឿងសម្អាងយីហោ "Kylie Cosmectics” កាលពីដើមឆ្នាំ២០១៦រួចមក Kylie Jenner ទទួលបានជោគជ័យយ៉ាងខ្លាំងមិនធម្មតា។ គ្រប់ផលិតផលផ្សេងៗដែលនាងបានដាក់លក់គឺសុទ្ធតែមានការគាំទ្រខ្លាំង ជាក់ស្ដែងប្រសិនជាមានផលិតផលគ្រឿងសម្អាងថ្មី គ្រាន់តែនាងដាក់លក់ត្រឹម១នាទីប៉ុណ្ណោះនឹងមានអ្នកចូលមើលនិងទិញដល់ទៅរាប់ម៉ឺននាក់ឯណោះតាមអ៊ីនធឺណិត។

ម៉ាកគ្រឿងសម្អាងនេះបានក្លាយជាម៉ាកយីហោមួយដែលទទួលបានភាពល្បីល្បាញខ្លាំងរួចទៅហើយ ដែលនេះមិនទាន់នឹងបង្កើតបាន២ឆ្នាំផង។

គិតត្រឹមពេលនេះអស់រយៈពេល១៨ខែបន្ទាប់ពីបានដំណើរការ ក្រុមហ៊ុនគ្រឿងសម្អាងនេះអាចរកចំណូលបានដល់ទៅ ៤២០លានដុល្លារបាត់ទៅហើយ។

បើយោងទៅតាមសារព័ត៌មាន WWD (Woman's Wear Daily) គេបានប៉ាន់ស្មានថា "Kylie Comsetics” នឹងក្លាយជា Brand មួយដែលមានតម្លៃប៊ីលានដុល្លារ រយៈពេល៥ឆ្នាំទៅមុខ ជាមួយនឹងការកើនឡើង២០%សម្រាប់២០ឆ្នាំទៅមុខ។ នេះបញ្ជាក់ថា "Kylie Cosmetics” នេះនឹងសម្រេចបានគោលដៅតែក្នុងរយៈពេលតិចជា៧ឆ្នាំ លឿងជាង Brand គ្រឿងសម្អាងល្បីៗដូចជា "Bobbi Brown” ដែលចំណាយពេល២៥ឆ្នាំនិង "Lancome” ចំណាយពេលដល់ទៅ៨០ឆ្នាំ។

សម្រាប់ពេលនេះ Kylie Jenner ទើបតែមានអាយុ២០ឆ្នាំតែប៉ុណ្ណោះ៕