ដល់ក! Mnet មិនដាក់ឈ្មោះក្រុម Girls' Generation ក្នុងតារាងបោះឆ្នោត M!Countdown

2017-08-12 04:03:58
ចំនួនមតិ 0 | ចំនួនចែករំលែក 0

ចន្លោះមិនឃើញ

M!Countdown គឺជាកម្មវិធីដ៏ល្បីមួយសម្រាប់ប៉ុស្តិ៍ទូរទស្សន៍ Mnet ដែលតែងតែមានការបោះឆ្នោតសម្រាប់បទចម្រៀងរបស់តារាល្បីៗរៀងរាល់សប្ដាហ៍។

សម្រាប់សប្ដាហ៍នេះដែលជាសប្ដាហ៍ដំបូងនៃការត្រលប់មកវិញរបស់ Girls' Generation ដោយពួកគេព្រមទាំងបានសម្ដែងនៅទីនោះផងដែរ ប៉ុន្តែ Mnet បែរជាមិនដាក់ឈ្មោះក្រុមចម្រៀងនេះដើម្បីឲ្យអ្នកគាំទ្របោះឆ្នោតទៅវិញ។

ក្រុមចម្រៀងនេះគឺរំពឹងថានឹងក្លាយជាបេក្ខភាពដ៏សំខាន់និងខ្លាំងមួយក្នុងការត្រលប់មកវិញសម្រាប់បទចម្រៀង “Holiday”។

មិនត្រឹមតែប៉ុណ្ណោះបទ "Holiday” គឺជាបទចម្រៀងសម្រាប់ខួបគម្រប់១០ឆ្នាំរបស់ក្រុមចម្រៀង Girls' Generation ទៀតផងដែលជាបទដែលកំពុងតែពេញនិយមខ្លាំង។

ចំពោះតារាងបោះឆ្នោតសម្រាប់សប្ដាហ៍ក្រោយចំនួន៤០ក្រុម សម្រាប់ការបោះឆ្នោត Online Pre-Voting ក្រុមចម្រៀងនេះមិនមានវត្តមានក្នុងតារាងនោះទេ។

ការបោះឆ្នោតនេះនឹងបញ្ចូលពិន្ទុ១០ភាគរយសម្រាប់ពិន្ទុសរុបដើម្បីទទួលបានជ័យជំនះ។

ក្រុមចម្រៀងដែលបានបញ្ចេញបទចម្រៀងមុននិងក្រោយ Girls' Generation សុទ្ធតែមានឈ្មោះក្នុងបញ្ជីបោះឆ្នោត ប៉ុន្តែបែរជាមិនមានឈ្មោះក្រុមនេះក្នុងតារាង ដែលជាហេតុធ្វើឲ្យអ្នកគាំទ្រមានការងឿងឆ្ងល់ជាខ្លាំង។

នេះមិនមែនជាលើកទី១ទេដែល Mnet ធ្វើដូច្នេះ ក្រុមចម្រៀង TWICE និង SISTAR ក៏ធ្លាប់ត្រូវ Mnet ដកចេញពីតារាងដូចគ្នា ដោយមិនប្រាប់ពីមូលហេតុ៕

ចុចអានអត្ថបទ៖

ប្រភព៖ Koreaboo ប្រែសម្រួល៖ ធារ៉ូ