ក្ដៅៗ! Hyuna ប្រកាសត្រលប់មកវិញជាមួយបទថ្មីឆាប់ៗនេះហើយ

2017-08-11 09:53:20
ចំនួនមតិ 0 | ចំនួនចែករំលែក 0

ចន្លោះមិនឃើញ

កំពូលតារាចម្រៀងកូរ៉េសិចស៊ី Hyuna នឹងត្រលប់មកវិញនៅចុងរដូវក្ដៅនេះហើយ។

ម្សិលមិញនេះ មានព័ត៌មានលេចឮជាច្រើនទាក់ទងនឹងការត្រលប់មកវិញរបស់ HyunA នៅចុងខែនេះ ជាមួយបទចម្រៀងថ្មី។ បទចម្រៀងនោះជាប្រភេទបទសម្រាប់រដូវក្ដៅដែលបង្ហាញពីរូបរាងសិចស៊ី និងសប្បាយៗមិនសូវខ្វល់ច្រើន (Care-free)។

អ្នកតំណាងផលិតកម្ម Cube Entertainment បានឆ្លើយតបថា នេះគឺជាការពិតដែល HyunA នឹងត្រលប់មកវិញជាមួយបទចម្រៀងទោលនៅខែសីហានេះ។ ពេលនេះនាងកំពុងតែព្យាយាមយ៉ាងខ្លាំងដើម្បីត្រៀមខ្លួនត្រលប់មកវិញ។

កាលពី២សប្ដាហ៍មុន HyunA បានបង្ហោះឃ្លីបវីដេអូមួយរបស់នាងច្រៀងនៅក្នុងស្ទូឌីយោ ដែលបង្ហើបថានាងនឹងត្រលប់មកវិញឆាប់ៗ។

នេះគឺជាការងារថ្មីរបស់នាងមួយបន្ទាប់ពីបង្ហាញខ្លួននៅក្នុងក្រុម "Triple H" កាលពីខែមេសា និងបទចម្រៀងទោល "How's This?” តាំងតែពីឆ្នាំមុនមកម្ល៉េះ៕