តារាដែលមានឥទ្ធិពលជាងគេទាំង១០ ប្រចាំឆ្នាំ២០១៧

2017-08-08 10:15:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ទស្សនាវដ្ដី Forbes ប្រចាំប្រទេសកូរ៉េទើបតែប្រកាសបញ្ជីតារាដែលមានឥទ្ធិពលខ្លាំងបំផុតទាំង១០ ប្រចាំប្រទេសកូរ៉េសម្រាប់ឆ្នាំនេះ។

នេះជាបណ្ដាតារាទាំង១០រូប៖

១០. Oh Seung Hwan

លោក Oh Seung Hwan គឺជាកីឡាករគប់បាល់ Baseball សម្រាប់ក្រុម St. Louis Cardinals។ លោកបានចូលរួមក្រុម Cardinals កាលពីឆ្នាំ ២០១៦ ហើយនឹងបន្តកុងត្រារបស់លោក ដោយសារតែលទ្ធផលល្អសម្រាប់ឆ្នាំកន្លងទៅនេះ។

៩. Jo Jung Suk

កាលពីឆ្នាំ២០១៧ តារាសម្ដែង Jo Jung Suk មានគម្រោងធំៗចំនួនពីរគឺ រឿង "Drug King” និងរឿងភាគ "Two Cops”។

៨. Kim Yoo Jung

ក្នុងឆ្នាំ២០១៦ តារាសម្ដែង Kim Yoo Jung បានសម្ដែងនៅក្នុងរឿងភាគល្បី "Love in the Moonlight” ជាមួយនឹងតារាសម្ដែង Park Bo Gum។ ក្នុងឆ្នាំ ២០១៧ នាងបានសម្ដែងរឿង "Because I Love You ជាមួយតារាសម្ដែង Cha Tae Hyun។

៧. Song Hye Kyo

Song Hye Kyo មិនទាន់មានគម្រោងណាមួយបន្ទាប់ពីសម្ដែងនៅក្នុងរឿងភាគ "Descendants Of The Sun” នោះទេ ប៉ុន្តែដោយសារតែដំណឹងរៀបការរបស់នាងនិងតារាសម្ដែង Song Joong Ki បានធ្វើឲ្យសារព័ត៌មានគ្រប់ទីកន្លែងរង្គោះរង្គើ។

៦. Suzy

នៅឆ្នាំ ២០១៧ Suzy បានបញ្ចេញអាល់ប៊ុមទោលរបស់ខ្លួនគឺ Yes?No? ហើយភ្លាមៗនោះបទចម្រៀង "Pretend” ដែលជាបទមួយនៅក្នុងអាល់ប៊ុមនោះទទួលបានភាពល្បីល្បាញជាខ្លាំង។ មិនត្រឹមតែប៉ុណ្ណោះរឿងភាគរបស់នាង "While You Were Sleeping” ដែលសម្ដែងជាមួយតារាសម្ដែង Lee Jong Suk គឺគ្រោងនឹងដាក់បញ្ចាំងចុងឆ្នាំនេះហើយ។

៥. BTS

២០១៧ គឺជាឆ្នាំដែលគួរឲ្យកត់សម្គាល់មួយសម្រាប់ BTS។ បន្ទាប់ពីឈ្នះពានរង្វាន់នៅកម្មវិធី Billboard Music Award BTS បានបន្តការប្រគំតន្ត្រីទេសចរណ៍របស់ខ្លួន ហើយក្លាយជាក្រុមចម្រៀងកូរ៉េមួយដែលល្បីទូទាំងពិភពលោក។

៤. EXO

EXO ទើបតែបញ្ចេញអាល់ប៊ុម "The War” ថ្មីៗនេះដែលមានបញ្ចូលនូវបទចម្រៀង "Ko Ko Bop”។មកដល់ពេលនេះពួកគេបានឈ្នះពានរង្វាន់ជាច្រើនរួចមកហើយ មិនត្រឹមប៉ុណ្ណោះ ក្រុមចម្រៀងនេះទទួលពានបានទី១០០សម្រាប់កម្មវិធីតន្ត្រី (Music Show)។

៣. TWICE

TWICE បានក្លាយជាក្រុមលេខ១ប្រចាំអាស៊ីឆ្នាំនេះជាមួយនឹងបទចម្រៀងល្បីៗចំនួនពីរបទគឺ "Knock Knock” និង "Signal”។ បន្ទាប់ពីឈ្នះពានយ៉ាងច្រើនសម្រាប់កម្មវិធីតន្ត្រី (Music Show) និងពានរង្វាន់ស្ទើរតែគ្រប់ប្រភេទនៅប្រទេសកូរ៉េ ក្រុមនេះបានចាប់ផ្ដើមបញ្ចេញបទចម្រៀងជាភាសាជប៉ុន និងទទួលបានភាពជោគជ័យគួរឲ្យកត់សម្គាល់។

២. Song Joong Ki

ដោយសារតែភាពល្បីល្បាញនៃរឿងភាគ "Descendants Of The Sun” តារាសម្ដែង Song Joong Ki បានសម្ដែងនៅក្នុងរឿង "Battleship Island” ដែលដឹកនាំដោយលោក Park Moo-Young។

១. Park Bo Gum

Park Bo Gum បានសម្ដែងនៅក្នុងរឿងភាគដ៏ល្បីគឺរឿង "Love in the Moonlight” ជាមួយនឹងតារាសម្ដែង Kim Yoo Jung ហើយបន្តល្បីឈ្មោះនៅក្នុងសិល្បៈដោយបានបង្ហាញខ្លួននៅក្នុងកម្មវិធីជាច្រើនរាប់មិនអស់ ជាពិសេសចូលរួមក្នុងកម្មវិធីកំពូលៗ ដូចជា "Infinite Challenge” និង "Running Man” ជាដើម មិនត្រឹមតែប៉ុណ្ណោះលោកក៏ធ្លាប់បង្ហាញខ្លួនជាពិធីករក្នុងកម្មវិធី "Music Bank” ទៀតផង៕

ចុចអានអត្ថបទ៖

ប្រភព៖ Koreaboo ប្រែសម្រួល៖ ធារ៉ូ